საკონსტიტუციო სასამართლოს გადაწყვეტილების თანახმად, ე.წ. მოსმენების შესახებ პარლამენტმა საკანონმდებლო ცვლილებები, 31 მარტამდე უნდა განახორციელოს.
საკითხთან დაკავშირებით საპარლამენტო უმრავლესობის დეპუტატები, დღეს, კამპანია „ეს შენ გეხებას" წევრი ორგანიზაციების წარმომადგენლებს შეხვდნენ.
მესამე სექტორის ინიციტივით, ე.წ. მოსმენის გასაღები დამოუკიდებელ სააგენტოს უნდა ჰქონდეს, რომელიც ანგარიშვალდებული იქნება პარლამენტთან.
უმრავლესობის დეპუტატების განცხადებით, მნიშვნელოვანია იყოს დაცული ბალანსი სახელმწიფო უსაფრთხოების ინტერესებსა და ადამიანის უფლებებს შორის.
საბოლოო პოზიციის ჩამოყალიბებამდე უმრავლესობა აქტიურ მუშაობას გეგმავს. დეპუტატები, ხვალ, აღმასრულებელი ხელისუფლების, მათ შორის სუს-ის წარმომადგენლებთან გეგმავენ შეხვედრას.