„თეთრი ხმაურის მოძრაობის" აქტივისტების საქმესთან დაკავშირებით თბილისის საქალაქო სასამართლოში გადაწყვეტილება 20 იანვარს გამოცხადდება.
პარლამენტის შენობასთან „თეთრი ხმაურის" აქციაზე დაკავებული ორი პირის სასამართლო პროცესი თბილისის საქალაქო სასამართლოში დღეს გაიმართა.
სასამართლო ადმინისტრაციულ სამართალდარღვევაზე მსჯელობს. საქმის არსებით განხილვაზე ბრალდებისა და დაცვის მხარეების მიერ მტკიცებულებები წარადგინეს.
ბრალდება შოთა ხინჩეგაშვილს და მირიან მალაყმაძეს 10 დეკემბერს, პარლამენტის მიმდებარე ტერიტორიაზე გამართულ აქციაზე, სამართალდამცველებისთვის წინააღმდეგობის გაწევას ედავება.
ბრალდებას არ ეთანხმება დაცვის მხარე. შოთა ხინჩეგაშვილის და მირიან მალაყმაძის ადვოკატი ამტკიცებს, რომ აქციის დროს სამართალდამცველებისთვის წინააღმდეგობის გაწევის ფაქტს, ადგილი არ ჰქონია.