დაცული ტერიტორიების სისტემაში მიმდინარე აქტივობები, ასევე, მეგობართა ასოციაციების მიერ განხორციელებული პროექტები და სამომავლო გეგმები განიხილეს, დაცული ტერიტორიების მეგობართა ასოციაციების ფორუმზე.

მეგობართა ასოციაცია გარემოსდაცვითი არასამთავრობო ორგანიზაციაა, რომლის მიზანი დაცული ტერიტორიების დაცვა-შენარჩუნებაში აქტიური მონაწილეობაა. ასევე - გრანტების მოზიდვა და შემეცნებით-საგანმანათლებლო საქმიანობა.

ფორუმი ამ სახით პირველად გაიმართა და მას დაცული ტერიტორიების სააგენტოს, მეგობართა ასოციაციების, არასამთავრობო, საერთაშორისო და დონორი ორგანიზაციების წარმომადგენლები ესწრებოდნენ.