2016 წლის 11 ოქტომბერს ქუთაისის ივერიის ღვთისმშობლის ხატის სახელობის ტაძრის მრევლმა (მღვდელი არჩილი (დათეშიძე)) მოილოცა წაჩხურუს მთავარანგელოზთა მამათა მონასტერი. მიაბრძანეს და მონასტერს შეწირეს მთავარანგელოზთა ხელთნაწერი ხატი. მონასტრის წინამძღვარმა მამა დანიელმა და მღვდელმა არჩილმა ხატის მიბრძანებასთან დაკავშირებით აღასრულეს ერთობლივი წირვა.
მადლობა უფალს იმისათვის, რომ შემაძლებინა წაჩხურუს მთავარანგელოზთა მამათა მონასტრის ულამაზესი ხედების დამონტაჟება და თქვენამდე მოტანა.
მინდა სამადლობელი სიტყვებით მიმართო მონასტრის წინამძღვარს მამა დანიელს და მონასტრის საძმოს გულთბილი მასპინძლობისათვის, იმ ადამიანებს, რომლებმაც წვლილი შეიტანეს ხატის შექმნაში, ხატმწერს რობინზონ (დამიანე) რევიშვილს და ოპერატორს ირაკლი ვაშაკიძეს.
ღმერთმა დაგლოცოთ და გაგაძლიეროთ!
ქრისტესმიერი სიყვარულით მღვდელი არჩილი