ატვირთვა
ავტორიზაცია რეგისტრაცია

დეპუტატობის კანდიდატმა ირაკლი ღლონტმა ელიავას მიმდებარედ საპროტესტო აქცია მოაწყო

გაზიარება
ოქტომბერი 1, 2016
462
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„პაატა ბურჭულაძე-სახელმწიფო ხალხისთვის“ დიდუბის 15-ე ოლქში დეპუტატობის კანდიდატმა მხარდამჭერებთან ერთად აქცია გამართა. ირაკლი ღლონტმა დიდუბის მცხოვრებლებთან ერათად საქართველოს პრემიერ მინისტრსა და თბილისის მერს ერთობლივი განცხადებით მიმართეს.

აქციის მონაწილეებმა ადგილობრივ და ცენტრალურ ხელისუფლებას „ელიავას ბაზრობაზე“ არსებული პრობლემების მოსაგვარებლად პრევენციული ზომების დროულად გატარება მოთხოვეს. მათი განცხადებით, მოსახლეობის ინტერესების დასაცავად და ეკოლოგიური პრობლემების თავიდან ასაცილებლად, დაუყოვნებლივ უნდა მოხდეს საშენ მასალათა ღია სავაჭრო პუნქტების შეფუთვა. დეპუტატობის კანდიდატის განცხადებით, ბაზრობაზე არსებობს საშენ მასალათა ღია კონსტრუქციული სავაჭრო პუნქტები, რომელიც ეკოლოგიურ პრობლემებს უქმნის მიმდებარე ტერიტორიაზე მცხოვრებ მოსახლეობას.

„ბაზრობაზე არსებობს საშენ მასალათა სავაჭრო პუნქტები, რომელიც არ არის დახურული კონსტრუქცია და საკმარისია მცირე ქარიც კი, რომ ცემენტის, ქვიშა–ღორღის და სხვა მასალის მტვერი მიმოიფანტოს ბაზრის მიმდებარე ტერიტორიაზე. მტვერი აბინძურებს ე.წ. ,,სუკონკის’’ ტერიტორიაზე არსებულ ქუჩებს, სამტრედიისა და აგლაძის ქუჩის კუთხეში მდებარეობს 92 – ე საბავშვო ბაღი, შესაბამისად ეს ეკოლოგიური პრობლემა უკავშირდება ჩვენი შვილების ჯანმრთელობასაც. კატეგორიულად მოვითხოვთ ადგილობრივი და ცენტრალური ხელისუფლებისგან დროულ ჩარევას, რათა უმოკლეს ვადებში იქნას გატარებული პრევენციული ზომები. მოვითხოვთ, რომ ბაზრობის გადატანამდე, უზრუნველყოფილი იქნას საშენ მასალათა ღია სავაჭრო პუნქტების ისეთი შეფუთვა, რომ დაცული იყოს ჩვენი მოსახლეობის ინტერესები და ეკოლოგიური პრობლემების თავიდან აცილების მიზნით, ყველა სავაჭრო ობიექტი იქნას სათანადოდ შეფუთული.“-აცხადებს ირაკლი ღლონტი

#არჩევნები2016

მაჩვენე მეტი