2016 არსენ ვენგერისთვის საიუბილეო წელია. ის მეთოფეთა მთავარი მწვრთნელის პოსტზე ყოფნის 20 წელს ზეიმობს. ერთი შეხედვით წარმოუდგენელი ციფრია. თუმცა, მრავლისმნახველ პრემიერლიგას და მის გულშემატკივრებს მხოლოდ მიღწევებითა და ტიტულებით თუ გააკვირვებ.
20-წლიან კარიერაში არსენ ვენგერის კლუბური მონაგარი ურიგოდ არ გამოიყურება. მისი ხელმძღვანელობით “არსენალმა” პრემიერ ლიგის ჩემპიონის ტიტული სამჯერ მოიგო. ინგლისის ლიგის თასის მფლობელი კი, ექვსჯერ გახდა. თუმცა, არსენს ევროტურნირებზე ფატალურად არ უმართლებდა.
ვენგერის მოქმედი კონტრაქტი არსენალთან მომავალი წლის ზაფხულში მთავრდება. ამ და სემ ელერდაისთან დაკავშირებული კორუფციული სკანდალის ფონზე, ბრიტანულმა მედიამ კიდევ ერთხელ წამოწია საკითხი - ვენგერი ინგლისის ნაკრებში.
თავად არსენი გადაჭრით არ უარობს და ჟურნალისტებს ღიმილით პასუხობს, რომ ეს დღე ოდესმე დადგება. მანამდე კი, თავის დიდ სიყვარულზე - არსენალზეა კონცენტრირებული და სხვა არაფერზე ფიქრი არ სურს.
#სპორტი