2011 წლის 26 მაისს,რუსთაველის გამზირზე მომიტინგეთა დარბევისა და მასობრივი დაკავების ფაქტზე მთავარი პროკურატურა ახალ ვიდეომასალას აქვეყნებს, რომელიც უწყებამ გამოძიების პროცესში მოიპოვა. აქამდე უცნობ კადრები,დარბევის ღამეს კონსტიტუციური უსაფრთხოების ოპერატორმა გადაიღო, მასში ასახულია, როგორ გასცემს კონსტიტუციური უსაფრთხოების დეპარტამენტის ყოფილი დირექტორი დათა ახალაია მომიტინგეთა დაკავების ბრძანებას, სანაცვლოდ კი თანამშრომლებს მაღალ პრემიებს ჰპირდება. პროკურატურის ინფორმაციით, ვიდეომასალაზე ექსპერტიზაც ჩატარდა, რომელმაც ჩანაწერის ავთენტურობა დაადასტურა.