ავსტრალიელმა, მსოფლიო რეიტინგის მე-16 ჩოგანმა ნიკ კირგიოსმა თავისი მძიმე ხასიათი კიდევ ერთხელ გამოავლინა. ცინცინატში, Western & Southern-ის მასტერსის 1/16 ფინალში, 19 წლის ხორვატ ბორნა ჩორიჩთან, პირველ სეტში, ტაიბრეიკზე წაგებული სეტის შემდგომ კირგიოსმა სამი ჩოგანი დაამტვრია.

გაბრაზებულმა ავსტრალიელმა თავის ხელში აყვანა მეორე სეტში მოახერხა რომელიც მის სასარგებლოდ 6:4 დამთავრდა, მაგრამ გადამწყვეტ მესამე სეტში გამარჯვება თინეიჯერ ხორვატს კვლავ ტაიბრეიკმა მოუტანა. საბოლოოდ 6:7, 6:4, 6:7.

ბორნა ჩორიჩი ავსტრალიელთან მოგებული შეხვედრითაც არ დაკმაყოფილმა და 1/8 ფინალურ მატჩში ესპანელი რაფაელ ნადალი ორ სეტიან ორთაბრძოლაში 6:1, 6:3 დაამარცხა.

1/4 ფინალურ შეხვედრაში ჩორიჩის მეტოქე თანამემამულე მარინ ჩილიჩი იქნება. მატჩი თბილისის დროით 22:30 საათზეა ჩანიშნული.