შავ ზღვაში, სამხედრო წვრთნების დროს დაკარგული ორი ჯარისკაცის სამძებრო-სამაშველო ღონისძიებები გრძელდება. ოპერაციაში ამერიკის შეერთებული შტატების თავდაცვის დეპარტამენტის სამხედრო ძალებიც ჩაერთვნენ.

ოფიციალური ინფორმაციით, სამხედრო მოსამსახურეები_26 წლის კაპრალი იაგო შარაძე და პირველი კლასის რიგითი 24 წლის გიორგი ნანიტაშვილი საზღვაო სპეცდანიშნულების გეგმიურ სწავლებაში მონაწილეობდნენ და მებრძოლ-მყვინთავთა კურსს გადიოდნენ.

თუმცა, მათ წყალქვეშ ჩაყვინთვის შემდეგ ზღვის ზედაპირზე ამოსვლა ვეღარ შეძლეს.