აშშ-ში, კალიფორნიის შტატის ქალაქ ოკლენდში მომხდარი შემთხვევის შედეგად, 16 წლის გოგონა გარდაიცვალა. ამის შესახებ ადგილობრივი მედია იუწყება. სროლების ხმა ქალაქის ცენტრში მდებარე ერთ-ერთ ვეგეტარიანულ რესტორანთან „ოქროს ლოტუსთან“ ისმოდა. სროლების შედეგად, ასევე, დაჭრილია 6 ადამიანი. პოლიციის ცნობით, ორი მათგანი არა ცეცხლსასროლი იარაღით, არამედ დანითაა დაჭრილი. მედიის ცნობით, დაჭრილები ახალგაზრდები არიან, მათი ასაკი 20 წელს არ აღემატება. ერთ-ერთი მათგანის მდგომარეობას მედიკოსები განსაკუთრებით მწვავედ აფასებენ. ამ ეტაპზე, უცნობია, რა გახდა მომხდარის მიზეზი.