ატვირთვა
ავტორიზაცია რეგისტრაცია
335 345
ნახვა
18
ხელმომწერი
58
ვიდეო

ელჩები რეგიონში მიმდინარე ინფრასტრუქტურულ პროექტებს გაეცნენ

გაზიარება
მაისი 29, 2016
15 053
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოში აკრედიტირებული დიპლომატიური კორპუსის წარმომადგენლები სამეგრელო-ზემო სვანეთში განხორციელებულ პროექტებს და რეგიონის პოტენციალს გაეცნენ.

„დიპლომატიურ ტურში“, რომელის საგარეო საქმეთა სამინისტროსა და სამეგრელო-ზემო სვანეთის გუბერნატორის ადნმინისტრაციის ორგანიზებით მიმდინარეობს, ორმოცამდე რეზიდენტი და არარეზიდენტი ელჩი იღებს მონაწილეობას.

შეხვედრაზე დიპლომატიური კორპუსის წარმომადგენლებს საგარეო საქმეთა მინისტრმა მიხეილ ჯანელიძემ და მხარის გუბერნატორმა ლევან შონიამ მიმარართეს, რის შემდეგაც სხვადასხვა ქვეყნის წარმომადგენლებს რეგიონში განხორციელებული პროექტების შესახებ ინფორმაცია რეგიონული პროექტების კოორდინირების სამსახურის უფროსმა დათო კოდუამ წარუდგინა.

„დიპლომატიური ტურის“ ფარგლებში საქართველოში აკრედიტებული დიპლომატიური კორპუსის წარმომადგენლები სამეგრელოს რეგიონში დღეს, 28 მაისს ჩამოვიდნენ.

ტურის ფარგლებში დიპლომატები გაეცნენ საოკუპაციო ხაზის მიმდებარედ საქართველოს ხელისუფლების მიერ განხორციელებულ პროექტებს, კერძოდ დაათვლიერეს რუხის მულტიფუნქციური სავაჭრო ცენტრი და მშენებარე საუნივერსიტეტო კლინიკა, ასევე საგარეო საქმეთა მინისტრთან და მხარის გუბერნატორთან ერთად იმყოფებოდნენ ენგურის ხიდზე. ელჩები ასევე გაეცნენ დადიანების ისტორიულ-არქიტექტურულ მუზეუმში დაცულ მასალებს.

ხვალ, 29 მაისს დიპლომატიური კორპუსის წარმომადგენლები აგრეთვე დაათვალიერებენ ანაკლიის ღრმაწყლოვანი პორტის მშენებლობისთვის განკუთვნილ ტერიტორიას და „აწარმოე საქართველოში“ პროგრამის ფარგლებში მოქმედ საწარმოს.

საგარეო საქმეთა სამინისტროსთან და სამეგრელო-ზემო სვანეთის გუბერნატორის ადმინისტრაციასთან ერთად დიპლომატიური ტური 2016-ის თანაორგანიზატორები საქართველოს ეკონომიკისა და მდგრადი განვითარების სამინისტრო, საქართველოს კულტურისა და ძეგლთა დაცვის სამინისტრო, საქართველოს სოფლის მეურნეობის სამინისტრო, საქართველოს ტურიზმის ეროვნული ადმინისტრაცია, „საპარტნიორო ფონდი“ და საქართველოს რკინიგზა.

მაჩვენე მეტი