► შიდაპარტიულ არჩევნებში გამარჯვების შემდეგ, დონალდ ტრამპმა საზოგადოებას საგარეო პოლიტიკური ხედვა გააცნო. მან მკაცრად გააკრიტიკა ობამას პოლიტიკა ე.წ. ისლამურ სახელმწიფოსთან ბრძოლის საქმეში. ტრამპის გამონათქვამებს მალევე გამოეხმაურა თეთრი სახლის წარმომადგენელი და მისი ბრალდებები უარყო;
► აშშ-ის ავიაციამ, იერიში მიიტანა ე.წ. ისლამური სახელმწიფოს ნაღდი ფულის საცავებზე, რომელიც ერაყის ქალაქ მოსულში მდებარეობდა. განადგურებული ნაღდი ფულის რაოდენობა 800 მილიონ დოლარს შეადგენს. ე.წ. ისლამური სახელმწიფოს ბიუჯეტი გასულ წელს 2 მილიარდ დოლარს შეადგენდა, რაც ძირითადად ბანკების ძარცვითა და მიტაცებული ნავთობის გაყიდვებით იყო უზრუნველყოფილი;
► ალეპოს ჰოსპიტალზე სამთავრობო ძალების მხრიდან მიტანილ იერიშს მოქალაქეები და მედპერსონალის ნაწილი ემსხვერპლა. გაერო რუსეთისა და სირიის ავიაციის მხრიდან ოპოზიციური ქალაქების დაბომბვების დაუყოვნებლივ შეწყვეტას მოითხოვს;
► რუსეთმა ახლადგახსნილი კოსმოდრომიდან წარმატებით გაუშვა ხელოვნური თანამგზავრი "სოიუზ-2".