ატვირთვა
ავტორიზაცია რეგისტრაცია
1 849 292
ნახვა
271
ხელმომწერი
4 761
ვიდეო

ცესკომ ერთნაირსქესიანთა ქორწინებაზე სარეფერენდუმო შეკითხვა დაარეგისტრირა

გაზიარება
მარტი 29, 2016
97
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„გინდათ თუ არა, რომ ერთნაირსქესიანთა ქორწინება დაშვებულ იქნას საქართველოში?" - შესაძლოა ამ კითხვით რეფერენდუმი ჩატარდეს. ცენტრალურმა საარჩევნო კომისიამ საკითხი გუშინდელ სხდომაზე დაარეგისტრირა. უწყების ცნობით, სარეფერენდუმო განცხადება მიმდინარე წლის 26 თებერვალს შევიდა.
იურისტების განმარტებით, რეფერენდუმი არ არის ინსტრუმენტი, რომელიც გამოიყენება კანონის შეცვლისთვის ან ახალი კანონის მისაღებად. საქართველოს კონსტიტუციის 74-ე მუხლში წერია, რომ არ შეიძლება რეფერენდუმის მოწყობა კანონის მისაღებად ან გასაუქმებლად. გარდა ამისა, იურისტების თქმით, არ შეიძლება რეფერენდუმის ჩატარება ისეთ საკითხებზე, რომელსაც შეიძლება ჰქონდეს შემზღუდავი ეფექტი ადამიანის ძირითადი უფლებებისა და თავისუფლებების მიმართ, კერძოდ - უარყოფითი პასუხის შემთხვევაში შეიძლება კანონდებელს აეკრძალოს ადამიანთა ცალკეული ჯგუფისათვის გარკვეული უფლებების მინიჭება.
საქართველოს კონსტიტუციის თანახმად, საქართველოს პრეზიდენტი უფლებამოსილია, საქართველოს პარლამენტის, საქართველოს მთავრობის, არანაკლებ 200 000 ამომრჩევლის მოთხოვნით დანიშნოს რეფერენდუმი კონსტიტუციითა და კანონით განსაზღვრულ საკითხებზე, მისი ჩატარების მოთხოვნის მიღებიდან 30 დღის განმავლობაში. ტაბულასთან საუბარში იურისტები იმედოვნებენ, რომ პრეზიდენტი რეფერენდუმს არ დანიშნავს.

მაჩვენე მეტი