ატვირთვა
ავტორიზაცია რეგისტრაცია

მყარი ნარჩენების ინტეგრირებული მართვა იმერეთში

გაზიარება შექმენი ლუპი
ივლისი 7, 2015
82
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს რეგიონული განვითარებისა და ინფრასტრუქტურის სამინისტროს „საქართველოს მყარი ნარჩენების მართვის კომპანიის“ ინიციატივით, ქალაქ ქუთაისში, მყარი ნარჩენების მართვის, გარემოსთვის უსაფრთხო ინტეგრირებული სისტემის მოწყობა მიმდინარეობს. აღნიშნულ პროექტთან დაკავშირებით საინიციატივო შეხვედრა გაიმართა, რომელსაც რეგიონული განვითარებისა და ინფრასტრუქტურის მინისტრი ნოდარ ჯავახიშვილი, მყარი ნარჩენების მართვის კომპანიის დირექტორი გიორგი შუხოშვილი, გარემოსა და ბუნებრივი რესურსების დაცვის მინისტრი გიგლა აგულაშვილი, კონსულტანტი კომპანიების, გერმანიის განვითარების ბანკის (KfW) და ქუთაისის მუნიციპალიტეტის წარმომადგენლები ესწრებოდნენ.
პროექტი ითვალისწინებს, ქალაქ ქუთაისში არსებული ძველი ნაგავსაყრელის დახურვას ახალი რეგიონული სანიტარული ნაგავსაყრელის მოწყობას; ასევე, ნარჩენების მოგროვების, ქუჩების დასუფთავებისა და ნარჩენების გადაზიდვის სისტემის გაუმჯობესებას. გარდა ამისა, პროექტის ფარგლებში, მოეწყობა სორტირების საწარმო ისეთი ტიპის ნაჩენებისათვის, რომელიც ექვემდებარება გადამუშავებას.
პროექტის მთლიანი ბიუჯეტი 26 მლნ ევროა, საიდანაც 20 მლნ ევრო KfW-ს სესხი, 2 მლნ ევრო სამეზობლო საინვესტიციო ფონდი (NIF)-ის გრანტი, ხოლო 4 მლნ ევრო ადგილობრივი კონტრიბუციაა. პროექტის დასრულება 2018 წელს იგეგმება. ნარჩენების მართვის ახალი სისტემა მოემსახურება იმერეთის, რაჭა-ლეჩხუმის და ქვემო სვანეთის რეგიონებს.

მაჩვენე მეტი