პროფესიულ კოლეჯში „სპექტრი“ უკვე 200-მდე მსურველი დარეგისტრირდა, მათ შორის სპეციალური საგანმანათლებლო საჭიროების მქონე პირებიც. რეგისტრაცია კოლეჯში 2015 წლის 10 თებერვალს დაიწყო და 2015 წლის 5 მარტს მთავრდება. საგაზაფხულო მიღებაზე კოლეჯი 300 მსურველს მიიღებს.
კოლეჯ „სპექტრში“ შემდეგი საგანმანათლებლო პროგრამები ხორციელდება: ელექტრიკოსი; კალატოზი; მეფილე-მომპირკეთებელი; მებათქაშე; მღებავი; ზეინკალ-სანტექნიკოსი; თაბაშირმუყაოს სპეციალისტი; საავტომობილო გზებისა და აეროდრომების მშენებელ-ტექნიკოსი; ვენტილაციისა და კონდიცირების სისტემის მემონტაჟე; სავალი ნაწილის ტექნიკოსი; ძრავის შემკეთებელი; ავტომობილის ზეინკალი; მძიმე სამშენებლო ტექნიკის ოპერატორი; დურგალი; შემდუღებელი; სასურსათო პროდუქტების ეკოლოგიური კონტროლის სპეციალისტი; გარემოს დაცვის ტექნიკოსი; კომპიუტერული ქსელებისა და სისტემების ტექნიკოსი; ინტერნეტტექნოლოგი (ვებსპეციალისტი); ტოპოგრაფი; ხის მხატვრული დამუშავების სპეციალისტი; მძერწავი (არქიტექტურული დეტალების); ბუღალტერი; ოფისის მენეჯერი.
პროფესიული განათლების მიღების მსურველებს რეგისტრაციის გავლა შეუძლიათ საქართველოს მასშტაბით არსებულ საინფორმაციო ცენტრებში, საგანმანათლებლო რესურსცენტრებსა და პროფესიული პროგრამების განმახორციელებელ დაწესებულებებში. რეგისტრაციის მსურველმა თან უნდა იქონიოს მხოლოდ პირადობის მოწმობა.