■ 33 წლის შვედმა თავდამსხმელმა ზლატან იბრაგიმოვიჩმა გულშემატკივრებს თავისი ტატუ-გალერეა აჩვენა. "კანის" კარში გოლის გატანის შემდეგ მან მაისური გაიხადა და რამდენიმე წუთი სტადიონზე წელსზემოთ შიშველი პოზირებდა.
ამის გამო იბრაგიმოვიჩმა რეფერისგან ყვითელი ბარათი მიიღო. შეხვედრის დასრულების შემდეგ გამართულ პრესკონფერენციაზე ფეხბურთელმა განაცხადა, რომ ამ ფორმით იმ ადამიანების მხარდაჭერა გამოხატა, რომლებიც მსოფლიოს სხვადასხვა ქვეყანაში შიმშილობენ. "სხეულზე მათი სახელები დავიწერე, სულ 50 სახელი. საშუალება რომ მქონდეს, ყველა იმ 805 მილიონი ადამიანის სახელს ამოვისვირინგებდი, ვინც შიმშილობის ზღვარზეა. ამის გამო არათუ ყვითელ, არამედ წითელ ბარათსაც სიამოვნებით მივიღებ,"-განაცხადა იბრაგიმოვიჩმა.