საქართველო ერთ–ერთი ლიდერია ცოფის საწინააღმდეგო ვაქცინის გამოყენებაში, ეს კი იმაზე მიუთითებს, რომ ქვეყანაში უამრავი მაწანწალა ცხოველია, შესაბამისად, ათასობით დაკბენილ და გაკაწრულ ადამიანს უწევს ვაქცინის გამოყენება. დაზღვეული არც საგულდაგულოდ მოვლილი ცხოველის პატრონია, რადგან კანონმდებლობა ცხოველების რეგისტრაციას არავის ავალდებულებს, ასევე არ არის გაწერილი მოვლა–პატრონობის წესები. რისკების შემცირების მიზნით თბილისში ცხოველთა მონიტორინგის სააგენტო შეიქმნა. თბილისის მერიაში შექმნილი სააგენტოს ერთ–ერთი პირველი ინიციატივა ქუჩის ძაღლების რაოდენობის აღწერაა.