2014 წლის 18 - 21 დეკემბერს თბილისში ჩატარდება WorldSkills Georgia-ს რიგით მეორე ეროვნული შეჯიბრება ექვს პროფესიაში: შედუღება, ვებ-დიზაინი, სამზარეულო საქმე, სარესტორნო სერვისი, ფლორისტიკა და საპარიკმახერო საქმე.
თითოეულ პროფესიაში არსებული ინფრასტრუქტურიდან გამომდინარე შეირჩევა მაქსიმუმ 8 მონაწილე. გამონაკლისია ვებდიზაინი - შეირჩევა მაქსიმუმ 18, რადგან ინფრასტრუქტურა საშუალებას იძლევა ერთდროულად შეჯიბრებაში მონაწილეობა მიიღოს 18 მონაწილემ.
WorldSkills Georgia 2014 - ეროვნულ შეჯიბრებაში გამარჯვებული ექვსი ახალგაზრდა, (თითოეულ პროფესიაში სამი საპრიზო კატეგორიიდან პირველ ადგილებზე გასულები) მონაწილეობას მიიღებენ WorldSkills–ის რიგით 43-ე საერთაშორისო შეჯიბრებაში, რომელიც გაიმართება 2015 წლის აგვისტოში ბრაზილიის ქალაქ სან-პაულოში.