ბათუმში პანიკაა. დაახლოებით ნახევარი საათის განმავლობაში ქალაქში ძლიერი აფეთქებების ხმა ისმოდა. ე.წ. ხოფას ბაზარში მოვაჭრეებმა ევაკუაცია დაიწყეს. დამწვარია 500 კვადრატულ მეტრზე მეტი ფართობი.

წინასწარი ინფორმაციით, აფეთქდა პიროტექნიკის მაღაზია. ობიექტის მიმდებარე ტერიტორიაზე რემონტი იყო, მიმდინარეობდა რკინის შედუღების სამუშაოები.

განადგურდა დაახლოებით 10 მაღაზია. ამ დროისთვის ცეცხლი ლიკვიდირებულია. მომხდარის მიზეზებს გამოძიება დაადგენს. დაშავებულების შესახებ ამ ეტაპზე ინფორმაცია არ არსებობს.