საქართველოს ხელბურთელთა ეროვნული გუნდი დღეს ლიტვის ნაკრებთან მატჩით, მსოფლიო ჩემპიონატის საკვალიფიკაციო ეტაპს დაიწყებს.
ქართველი ხელბურთელები, თბილისსა და უკრაინაში გავლილი საწვრთნელი შეკრების შემდეგ, ბალტიისპირეთს გუშინ ესტუმრენ. სერბი მწვრთნელის ჯორჯ რასიჩის ხელმღვანელობით გუნდმა ქალაქ პანევიჟისის ცენტრალურ არენაზე, ლიტვასთან მატჩისწინა საკონტროლო გენერალური რეპეტიცია გაიარა.
სინქრონი: ჯორჯ რასიჩი
ლიტვასთან დაპირისპირების წინ გუნდის რამდენიმე ხელბურთელს მიკროტრავმა აწუხებს, თუმცა უდიდესი შემართებისა და ბრძოლის ჟინით სავსე ქართველებს ფავორიტად შერაცხულ მეტოქესთან წარმატების დიდი იმედი აქვთ.
სინქრონები: შოთა თევზაძე
ვლადიმერ რუსია
მსოფლიო ჩემპიონატის შესარჩევი ეტაპის პირველი ტურის მატჩი, ლიტვისა და საქართველოს ეროვნულ ნაკრებებს შორის ქალაქ პანევიჟისის ცენტრალურ არენაზე დღეს თბილისის დროით 20 საათსა და 45 წუთზე დაიწყება.