მშვენიერმა იოსებ ძელისაგან გარდამოხსნა უხრწნელი გვამი შენი ქრისტე, და არმენაკითა წმიდითა წარგრაგნა, სურნელებითა შემურვილი, ახალსა საფლავსა დაგდვა.
სამების საკათედრო ტაძარში გარდამოხსნა უწმინდესმა და უნეტარესმა, სრულიად საქართველოს-კათოლიკოს პატრიარქმა ილია მეორემ სასულიერო პირებთან ერთად საკურთხევლიდან გამოაბრძანა. ღვთისმსახურებაზე გარდამოხსნა, რომელზეც საგანგებოდ მოხატულ დიდ ქსოვილზე საფლავში ჩასვენებული მაცხოვრის გამოსახულებაა ამოქარგული, ტაძრის შუაგულში ამაღლებულ, ყვავილებით მორთულ სადგამზე დააბრძანეს. მსახურების დროს მათეს სახარებიდან ის ფრაგმენტები წაიკითხეს, სადაც მაცხოვრის შეპყრობა, პილატეს წინაშე წარდგენა, წამება, ჯვარცმა და საფლავად დადებაა მოთხრობილი. სერობა მაცხოვრის ჯვრიდან გარდამოხსნასა და დასაფლავებას მიეძღვნა. შესრულდა სავედრებელი საგალობელი და საკითხავები. ღვთისმსახურების დროს ასევე შესრულდა საგანგებო საგალობელი - ღვთისმშობლის დატირება, რომელიც წელიწადში ერთხელ, მხოლოდ წითელ პარასკევს სრულდება. მსახურების შემდეგ, ტაძრებში საზეიმო ზარების რეკვა შეწყდება. მორწმუნეებისთვის დიდი პარასკევი მძიმე მარხვაა.
nu mtir me dedao "ნუ მტირ მე, დედაო, მხილველი საფლავსა შინა ძისა, რომელი მუცლად მიღე თვინიერ თესლისა. რამეთუ აღვდსგე და ვიდიდო მე ღვთაებრ და მაღალ ვჰყვნე დიდებით, სარწმუნოდ და სურვილით დაუცხრომელად შენნი მგალობელნი." anchisxati ვნების შვიდეული. დიდი პარასკევი. იესო ქრისტეს წმინდა ვნებათა ხსენება. გარდამოხსნა
წითელი პარასკევი დატირება და გარდამოხსნა
დაგვიმეგობრდით facebook–ზე : www.facebook.com/pages/დიდ-ხარ-შენ-უფალო-Did-xar-shen-ufalo/272243239573472
ვნების კვირეულის ყველაზე მძიმე დღეა. მართლმადიდებელი ეკლესია მაცხოვრის ჯვრიდან გარდამოხსნას და დაკრძალვას იხსენებს. ტაძრებში გარდამოხსნის ტრადიციული რიტუალი შესრულდა. სამებაში მსახურება კათოლიკოს-პატრიარქმა მღვდელმთავრებთან ერთად ჩაატარა. გარდამოხსნის საკურთხევლიდან გამობრძანების, ტაძარში სამჯერ შემოტარების და სპეციალურ სადგამზე დაბრძანების შემდეგ უფლის დატირების საგალობელი აჟღერდა. გარდამოხსნა ტაძრებში სამი დღე დარჩება. ვნების კვირის პარასკევს მორწმუნეები კვერცხებს წითლად ღებავენ და პასქებს აცხობენ.