ბრაზილიაში მსოფლიო ჩემპიონატის დაწყებამდე სამი დღით ადრე Nike-მა სერიიდან "გარისკე ყველაფერი" ვიდეორგოლი გამოუშვა. ვიდეოში მოთხრობილია ფეხბურთის გენიოსებზე, რომლებსაც არ ეშინიათ გარისკვის და გამარჯვების გამო ყველაფერზე მიდიან. ფილმის მთავარი გმირი მეცნიერია, რომელიც თამაშების ანალიზს წლების განმავლობაში აკეთებს. მას არ მოსწონს რონალდოს, იბრაჰიმოვიჩის და ნეიმარის თამაშის სტილი. ამიტომ გადაწყვეტს კლონების შექმნას, რომლებიც უნაკლოები იქნებიან. "სიმტკიცე და რისკი ფეხბურთისთვის აუცილებელია. წარმოიდგინეთ მსოფლიო არაჩვეულებრივი კრიშტიანუ რონალდუს, ზლატანის აკრობატიკის ან ნეიმარის საოცრებების გარეშე. 'უკანასკნელი თამაშის' საფინალო 90 წამი გვაჩვენებს, რომ დიდებულად შეიძლება ჩაითვალოს მხოლოდ ერთი საფეხბურთო სტილი - კრეატიული და რისკით აღსავსე. ეს ის არის, რასაც გვიამბობს კამპანია 'გარისკე ყველაფრით', - ამბობს Nike-ის მარკეტინგული დირექტორი დევიდ გრასო.
ადგილობრივი ტელეკომპანია რეალითი შოუს იღებს, სახელწოდებით "უკანასკნელი გმირი". შოუს მონაწილეები გადამღებ ჯგუფთან ერთად ტროპიკულ ტყეებში მიმეგზავრებიან... გადაღება იწყება...
ლანჩხუთის #2 საჯარო სკოლას შინდისის ბრძოლაში გმირულად დაღუპული ემზარ წილოსანის სახელი ეწოდა დღეს, ლანჩხუთის #2 საჯარო სკოლას 2008 წლის აგვისტოს ომში გარდაცვლილი ემზარ წილოსანის სახელი მიენიჭა. სახელის მინიჭების საზეიმო ცერემონიალს საქართველოს თავდაცვის მინისტრის მოადგილე გიორგი ბუთხუზი, გურიის გუბერნატორი გია სალუქვაძე, ლანჩხუთის მუნიციპალიტეტის, საქართველოს განათლებისა და მეცნიერების სამინისტროს, საგანმანათლებლო რესურსცენტრის, ომის ვეტერანთა საბჭოს წარმომადგენლები და დაღუპული გმირის ოჯახის წევრები - ემზარ წილოსანის და და შვილები: 9 წლის მარიამი და 10 წლის შუქრი დაესწრნენ. საქართველოს თავდაცვის მინისტრის მოადგილემ გმირულად დაღუპული ემზარ წილოსანის საფლავი თაიგულით შეამკო და საზეიმოდ გახსნა მემორიალური დაფა. გიორგი ბუთხუზი სკოლის მოსწავლეების მონაწილეობით გამართულ ღონისძიებებს: მხატვრულ კომპოზიციას „შინდისის გმირები“, ასევე სპექტაკლს ო'ჰენრის ,,უკანასკნელი ფოთოლი“ დაესწრო. „ემზარ წილოსანმა და მისმა თანამებრძოლებმა გმირობით და თავდადებით გადადგეს ძალიან დიდი ნაბიჯი საქართველოს ერთიანობისთვის და მათი სახელები უკვდავყოფილია საქართველოს ისტორიაში. ჩვენ გვახსოვს ჩვენი გმირები და ყოველთვის გვემახსოვრება. მათ გაწირეს ყველაზე დიდი, რაც გააჩნდათ და ყველაზე ძვირფასი, ეს იყო მათი სიცოცხლე. ძალიან ნიშანდობლივია და ძალიან სევდით აღსავსე, მაგრამ საამაყოა დღევანდელი დღე, რომ ეხლა უკვე ემზარ წილოსანის სახელობის საჯარო სკოლაში მისი შვილები, ჩვენი ახალგაზრდა თაობა გაიზრდება მათი სახელოვანი გმირის თავდადების მაგალითზე.“-განაცხადა თავდაცვის მინისტრის მოადგილემ. კაპრალი ემზარ წილოსანი 29 წლის ასაკში, 2008 წლის 11 აგვისტოს, რუსეთ-საქართველოს ომის დროს, სოფელ შინდისში ტრაგიკულად დაიღუპა. სიკვდილის შემდეგ ემზარ წილოსანს ვახტანგ გორგასლის III ხარისხის ორდენი გადაეცა. კაპრალი წილოსანი II ქვეით ბრიგადაში მსახურობდა.