ატვირთვა
ავტორიზაცია რეგისტრაცია

რამაზ ჩხიკვაძე

ფილმოგრაფია
მიდიოდა მატარებელი
წელი: 2005

მატარებელი თბილისიდან ბათუმში მიდის. მეისრის შეცდომის გამო მატარებელი ბათუმის ნაცვლად ჯერ აფხაზეთის საზღვარზე აღმოჩნდება, შემდეგ კი ჭიათურაში. ამ მატარებლით მიემგზავრებიან ათასი ჯურის აფერისტები. ყველას თავისი თავგადასავალი აქვს. ეს არის ჩვენი უახლოესი წარსულის ამბავი, როდესაც საქართველოში გამეფებული იყო კორუფცია, ცხოვრების სტილი იყო მომხვეჭელობა, უკანონოდ ფულის კეთება, გადასახადების გადამალვა, ერთმანეთის გადაგდება და სხვა.

ხელოვანთა კადრები Just cuts
წელი: 2005

შოთა კალანდაძის ახალი მიმდინარეობა კინოში ''კინო ლექსები'' ეს ფილმი ასახავს შოთა კალანდაძის თვალით აღქმულ ქართველ ლეგენდარულ ხელოვან პერსონებს რომელნიც ამ ფილმში მონაწილეობს. georgian New Era Films ''movie lyric'' by 88shota kalandadze

შვეციის პრინცი იმერეთიდან Sweden's Prince of Imereti
წელი: 1995

ფილმი მოგვითხრობს იმერელი ბიჭის თავგადასავალს . უბრალო იმერელი ბიჭი ბათუმში გაიცნობს შვეციის პრინცესას,მათ ერთმანეთი შეუყვარდებათ და ბოლოს იმერელი ბიჭი ხდება შვეციის პრინცი.

თეთრი ბაირაღები თეთრი ბაირაღები
წელი: 1990

სტუდენტ ზაზა ნაკაშიძეს, რომელსაც ჩხუბში მონაწილეობისთვის დააპატიმრებენ, უდანაშაულობის დამტკიცების იმედი არა აქვს. ციხის საკანში სხვადასხვა ეროვნებისა და მრწამსის დამნაშავეები შეყრილან. დროს განვლილ ცხოვრებაზე და დანაშაულის ჩადენის მიზეზებზე კამათში კლავენ. ქურდის, მკვლელის, სახელმწიფო ქონების გამფლანგველის, ყველაზე საშიში ბოროტმოქმედის სულშიც შეიძლება სათუთი გრძნობები იმალებოდეს.

აშიკ ქერიბი Ashik Kerib
წელი: 1988 IMDB: 7.1

ახალგაზრდა აშუღ-ყარიბი სატრფოს ნათესავებმა სიღარიბის გამო დაიწუნეს. ვაჟი ქონების მოსახვეჭად შორ გზას დაადგა. დიდხანს იმოგზაურა. ბოროტს ბევრჯერ გადაეყარა, მაგრამ ბოროტითვე არ უპასუხა, ტყვეობაში სიმღერაც ვერ შეძლო. შიშველიც იყო და მდიდრული სამოსიც ემოსა, თუმცა გემო მხოლოდ საკუთარ ღარიბულ კერაზე გამომცხვარ პურს ჩაატანა. სიმდიდრე ვერ იშოვა, ბევრი რამ კი შეიცნო და ერთგულ სატრფოს კვლავ უპოვარ პოეტად დაუბრუნდა.

ცხელი ზაფხულის სამი დღე Three Days of Hot Summer
წელი: 1981

ცნობილ მეცნიერს, უდაბნოს სამონასტრო კომპლექსის არქეოლოგიური გათხრების ხელმძღვანელს, სულხან იბერიელს სამუშაოს დასასრულებლად ბიუჯეტის სახსრები არ ყოფნის, იძულებულია დახმარებისთვის სხვადასხვა ინსტანციებს მიმართოს. სულხანის თავგამოდება ხშირად გადამეტებულად ეჩვენებათ, თვლიან, რომ ქვეყნად უფრო მნიშვნელოვანი საქმეებია მოსაგვარებელი. სულხანს მხარში უდგას ახალგაზრდა არქეოლოგი თამრიკო, რომელიც მასთან ერთად იბრძვის, რომ რუსი სამხედროების საწვრთნელ პოლიგონად გადაქცეული მონასტრის ტერიტორია განადგურებას გადაურჩეს. გათხრებს მაინც დააკონსერვებენ, მიწას მიაყრიან. ქალაქისკენ მიმავალი სულხანი უდაბნოს ველზე ინფარქტით კვდება.

რაჭა ჩემო სიყვარულო Racha My Love
წელი: 1977

ფილმის პრემიერა შედგა 1977 წლის 8 ივლისს. რაჭველი მევენახეები სლოვაკეთის სოფელ რაჭის მევენახეებთან გამოცდილების გასაზიარებლად გაემგზავრებიან. ზაურს იქაური გოგონა, დარინა შეუყვარდება. მოსვენებას არ აძლევს. ცდილობს სიყვარულში დაარწმუნოს. მალე სლოვაკები საპასუხო ვიზიტით საქართველოს ესტუმრებიან. ქართული სტუმართმოყვარეობით და რაჭით მოხიბლულ დარინას, რომელსაც ზაური მართლაც შეუყვარდა, განშორება უჭირს.

ვერის უბნის მელოდიები
წელი: 1973

მედროგე პავლეს გოგონები, მარო და თამრო ბალეტის სკოლაში სწავლაზე ოცნებობენ, მაგრამ ღარიბ პავლეს სწავლის ქირის გადახდა არ შეუძლია. მრეცხავი ვარდო გოგონების დახმარებას გადაწყვეტს – მდიდარ ვაჭარს, აღა-გეურქას ხბოს, შეშას და ძვირფას ქურქს მოპარავს, გოგონებს სახლსაც გაუთბობს და "ტანც-კლასის" ფულსაც გადაუხდის. ვარდოს ქურდობისთვის საპყრობილეში ჩასვამენ, მაგრამ მის მხარდასაჭერად მრეცხავები გაიფიცებიან და მალე მთელ ქალაქს ჭუჭყი მოედება. პოლიცმაისტერი იძულებული ხდება ვარდო გაათავისუფლოს და პავლეს გოგონები "ტანც-კლასში" ჩაარიცხინოს.

ფესტივალები და პრიზები:
#
ჟიურის სპეციალური პრიზი, სან–სებასტიანის (ესპანეტი) საერთაშორისო კინოფესტივალი (1977).