ატვირთვა
ავტორიზაცია რეგისტრაცია

დუტა სხირტლაძე

Duta Skhirtladze

ფილმოგრაფია
ვისი სული გსურს visi suli gsurs
წელი: 2016

როდესაც ადამიანი წარმატებას ადრეულ ასაკში მიაღწევს, აქვს ძალიან ბევრი ფული, შესაშური კარიერა, იცნობენ საზოგადოების მაღალ წრეებში და პატივს სცემენ მას, ეს ყველაფერი ძალიან კარგია. მაგრამ ამას მარტო ერთი მხარე არ აქვს. მაგალითად, გიორგი თავს წარმატებული ადამიანის სიმბოლოდ მიიჩნევს, მთელს დროს საქმეს უთმობს. უყურადღებოდ რჩება მეუღლე ნინი, ცუდად ექცევა თანაშემწეს, მძღოლს ადამიანად არ თვლის. არ აღიარებს არცერთ ღირებულებას, რასაც შემოსავალი არ მოაქვს, ამიტომ სიღნაღში მდებარე პირველ ქართულ საბავშვო თეატრსაც კი დახურავს, რუსული რესტორანი უფრო პრიორიტეტულად მიაჩნია. რა მოხდება მაშინ, როცა გიორგი ყოველი იმ ადამიანის სხეულში იმოგზაურებს, ვისაც უსამართლოდ მოექცა? როგორი მძღოლი იქნება იგი საკუთარი თავისთის, ან თანაშემწე, თანაშემწის ცოლი, რომელთანაც სიღნაღში პაემანი აქვს, როგორ იგრძნობს თავს თეატრის დირექტორის როლში? კარგია ძაღლად ყოფნა, რომლის დაჭერასაც შენივე მითითებით ცდილობენ? გამოიტანს თუ არა სწორ დასკვნებს, შეიცვლება გიორგი? ამას ნახავთ თუ უყურებთ ამ საოცარ, ცოტა ფანტასტიკურ და ძალიან სასაცილო ფილმს.

გარიგება 20 წლის შემდეგ 20 years later
წელი: 2011

კახეთის ხედი სიღნაღიდან. შეთოვლილი კავკასიონი, თვალუწვდენელი ზვრები, საოცარი ალაზნის ველი, მშვენიერი სიღნაღი - სიყვარულის ქალაქი, მოკირწყლული ქუჩებითა და კოპნია სახლებით. მაგრამ მაინც ძველი ბირჟებით და ისევ ძველი კლუბით. მაროს შ.პ.ს. "გარიგება" დაუფუძნებია და რადგან ამ საქმეში უკვე წარმატებული შედეგები აჩვენა, მას კლიენტიც ბევრი გამოუჩნდა. კახური იუმორის ფონზე ბევრი სასაცილო სიტუაცია იქმნება. მაგრამ მიტოს გამოჩენა, საერთოდ შეცვლის სოფლის ცხოვრებას, ხოლო როგორ ჩნდება მიტო კვლავ მაროს ცხოვრებაში და როგორ გრძელდება მარო-მიტოს ახალი ეპოპეა - ამას მხოლოდ ისევ ფილმის ნახვის შემდეგ გაიგებთ!

ოცნების ქალაქი Dream Town
წელი: 2010

თუკი სასიყვარულო ოცნება ახალი წლის ღამეს არ ახდება, ნუ იდარდებთ, წინ ვალენტინობის დღესასწაულია!
ამ მარტივ ჭეშმარიტებაში ადვილად დაგარწმუნებთ სანდროსა და ნინის სიყვარულის ისტორია,
რომელიც თანამედროვე თბილისის ერთ ერთ ღამის კლუბში გათამაშდება.

კაცი საელჩოდან Man From the Embassy
წელი: 2007

ჰერბერტ ნოიმანი უკვე რამდენიმე წელია საქართველოში გერმანიის საელჩოში მუშაობს. ფინანსური რეკომენდაციების შედგენის შემდეგ იგი უკვე რამდენი ხანია სამსახურიდან სახლში ბრუნდება და მოწყენილობას კომპიუტერული თამაშებით ებრძვის. მარტოობის დაძლევას ჰერბერტი ვერც საელჩოს ერთ-ერთ თანამშრომელთან, ნანასთან გაბმული საიდუმლო სასიყვარულო ურთიერთობით ახერხებს. ეს მონოტონურობა მხოლოდ მაშინ ირღვევა, როცა ჰერბერტი ბაზარში 13 წლის გოგონას - საშკას გაიცნობს. ჰერბერტისა და საშკას შემთხვევითი შეხვედრა მალე მეგობრობაში გადაიზრდება. ეს კი ეჭვს იწვევს მათ გარემოცვაში და ბადებს კითხვას - რაიმე სხვა ხომ არ იმალება საელჩოს თანამშრომლისა და ქუჩის ბავშვის გულწრფელი მეგობრობის მიღმა?..

უსუი Usui
წელი: 2005

ცხოვრებისეული ამბავი აბსურდული დასასრულით. კაცს გაუჭირდა და ღმერთს შეევედრა, მიშველეო. ღმერთმა ურჩია: ხელი გაანძრიე და გეშველებაო. კაცმა შეისმინა და ეშველა. ღმერთი დაფიქრდა და მიბაძა კაცს.

ცელქი ბავშვები: ოპერაცია ახალი წელი

მსოფლიოში ყველაზე მოუსვენარი და ცელქი და და ძმა მშობლებთან ერთად საახალწლო მოგზაურობაში წასვლას აპირებენ, თუმცა ტურისტულ სააგენტოში მოწყობილი მორიგი აურზაურის გამო მათ მშობლები დასჯიან და საახალწლო მოგზაურობის მაგივრად არქეოლოგ ბაბუასთან ახალი წლის გასატარებლად დატოვებენ…