ატვირთვა
ავტორიზაცია რეგისტრაცია

კახი კავსაძე

ფილმოგრაფია
შავი და თეთრი Ч/Б
წელი: 2015 IMDB: 5.2

ფილმის სიუჟეტის მიხედვით ახლად გარდაცვლილი დაღესტნელი თაღლითი მფარველ ანგელოზად ევლინება ახალგაზრდა მამაკაცს, რომელსაც “ალერგია აქვს ” კავკასიელებზე.

ძვირფასი ცოლი beloved wife
წელი: 2014 IMDB: 88s

შოთა კალანდაძის ახალი მიმდინარეობა კინოში კინო ლექსი ,ეს ფილმი ეხება ცოლის სიყვარულს , [შეიძლება მამაკაცს წამიერი ვნება გაუჩდეს ცხოვრებაში მაგრამ ცოლის სიყვარული ბევრად ძვირფასია ] , georgian New Era Films ''movie lyric'' by 88shota kalandadze

88შოთა კალანდაძის ფილმი ''ფანი არდანი თბილისში'' fanny ardant in tbilisi , New Era Films ''movie lyrics'' from shota kalandadze
წელი: 2013

ფილმი ასახავს შოთა კალანდაძის მიერ დანახულ ფანი არდანის თბილისში სტუმრობას. შოთა კალანდაძის ახალი მიმდინარეობა კინოში ''კინო ლექსი'' ,

ჩემი თეატრი My Theatre , georgian New Era Films ''movie lyric'' by 88shota kalandadze
წელი: 2013

შოთა კალანდაძის ახალი მიმდინარეობა კინო ლექსი - ფილმში ასახულია ბოლო სპექტაკლი, რომელიც ითამაშეს გურამ საღარაძესთან ერთად. ამის შემდეგ ის მალე გარდაიცვალა. ფილმი გთავაზობთ შოთა კალანდაძის თვალით დანახულ გენიალურ სპექტაკლს "მოხუც ჯამბაზებს" georgian New Era Films ''movie lyric'' by 88shota kalandadze

889შოთა კალანდაძის ფილმი ''კინო სინჯები'' movie ''film lyrics making of''
წელი: 2011

შოთა კალანდაძის ''კინო ლექსების'' კინო სინჯები ერთ ფილმად. making of. georgian New Era Films ''movie lyric'' by shota kalandadze

კადრები კოსმოსში ''Shots in the Space'' georgian New Era Films ''movie lyric'' by 88shota kalandadze
წელი: 2009

შოთა კალანდაძის ახალი მიმდინარეობა კინო ლექსი - ფილმი აგებულია ფრესკებზე, ამ ფილმში მძაფრად ჩანს შოთა კალანდაძის ინდივიდუალური ხელწერა "კინო ლექსი". ამ კინო ლექსის განწყობას ქმნიან ჩვენი ლეგენდარული მსახიობები.

თბილისური Love Story
წელი: 2009

ფილმი, რომელშიც მსახიობებზე მეტად რეჟისორები ჩანან. 12 რეჟისორის თვალით დანახული ერთი მარტივი თბილისური ამბავი, რომელსაც იწყებს ერთი და ამთავრებს მეთორმეტე რეჟისორი. იცვლებიან რეჟისორები და მსახიობები, იცვლება ჟანრი. რამდენი მსახიობიც არის, იმდენი მთავარი როლია. ფილმში ჩართულნი არიან აგრეთვე სხვადასხვა პროფესიის ადამიანები, რომლებიც ქართული საზოგადოების სახეს ქმნიან.

მიდიოდა მატარებელი
წელი: 2005

მატარებელი თბილისიდან ბათუმში მიდის. მეისრის შეცდომის გამო მატარებელი ბათუმის ნაცვლად ჯერ აფხაზეთის საზღვარზე აღმოჩნდება, შემდეგ კი ჭიათურაში. ამ მატარებლით მიემგზავრებიან ათასი ჯურის აფერისტები. ყველას თავისი თავგადასავალი აქვს. ეს არის ჩვენი უახლოესი წარსულის ამბავი, როდესაც საქართველოში გამეფებული იყო კორუფცია, ცხოვრების სტილი იყო მომხვეჭელობა, უკანონოდ ფულის კეთება, გადასახადების გადამალვა, ერთმანეთის გადაგდება და სხვა.

ორფეოსის სიკვდილი
წელი: 1996

ფილმში გამოყენებულია ჰერმან ჰესეს და ვლადიმერ ნაბოკოვის ნაწარმოებების ზოგიერთი მოტივი





საბჭოთა კავშირის რღვევის პერიოდი. ქუჩის მიტინგები, ეგზალტირებული საზოგადოება. ენტომოლოგ ვახტანგ ინტრიელის განსხვავებული შეხედულებები ბევრს აღიზიანებს, პრესა "მოღალატეს, კოსმოპოლიტს, ეროვნული იდეების მოწინააღმდეგეს" უწოდებს... ვახტანგი ქუჩაში ქალს გამოექომაგება. ნინო კახპაა და ნარკომანი. ვახტანგი ცდილობს ქალი შავ სამყაროს ჩამოაცილოს, მაგრამ მოძალადეები ჩაუსაფრდებიან და სცემენ. ნინო ვახტანგის დაცვას შეეცდება, მას ბრმა ტყვია იმსხვერპლებს. კვდება ვახტანგ ინტრიელიც, რომელმაც ძალადობისგან ვერც თავი დაიცვა და ვერც საყვარელი ქალი.

ბუდე
წელი: 1983

"ბუდე" - ეს არის რეჟისორ ლევან ანჯაფარიძის სადიპლომო ნამუშევარი, ჩანახატი თავის სახლზე, სადაც ბევრი საზოგადო მოღვაწე და დიდი ქართველი მამულიშვილი ცხოვრობდა.

ცხელი ზაფხულის სამი დღე Three Days of Hot Summer
წელი: 1981

ცნობილ მეცნიერს, უდაბნოს სამონასტრო კომპლექსის არქეოლოგიური გათხრების ხელმძღვანელს, სულხან იბერიელს სამუშაოს დასასრულებლად ბიუჯეტის სახსრები არ ყოფნის, იძულებულია დახმარებისთვის სხვადასხვა ინსტანციებს მიმართოს. სულხანის თავგამოდება ხშირად გადამეტებულად ეჩვენებათ, თვლიან, რომ ქვეყნად უფრო მნიშვნელოვანი საქმეებია მოსაგვარებელი. სულხანს მხარში უდგას ახალგაზრდა არქეოლოგი თამრიკო, რომელიც მასთან ერთად იბრძვის, რომ რუსი სამხედროების საწვრთნელ პოლიგონად გადაქცეული მონასტრის ტერიტორია განადგურებას გადაურჩეს. გათხრებს მაინც დააკონსერვებენ, მიწას მიაყრიან. ქალაქისკენ მიმავალი სულხანი უდაბნოს ველზე ინფარქტით კვდება.

სიყვარული ყველას უნდა Everyone wants to love
წელი: 1980

სამკერვალო სასწავლებლის დამთავრების შემდეგ მაყვალა კახეთის სოფელში ჩადის სამუშაოდ. სოფლის მძღოლს ბურბუთას მაყვალა შეუყვარდება, მაგრამ გრძნობის გამხელას ვერ უბედავს. რთველი კარზეა მომდგარი, მუშაობისთვის კი არავის სცალია – სოფელში ყველა შეყვარებულია: ვენახის დარაჯი ბიჭები ტყუპი დების ცოლად შერთვაზე ოცნებობენ, მარტოხელა ხირხელა შინაბერა ქეთოს ფარულ შეხვედრაზე ითანხმებს, ბურბუთას პატარა ძმას მეზობლის პატარა გოგო უყვარს, რამდენჯერმე გათხოვილ ნაზოს გათხოვების კიდევ ერთი შანსი ეძლევა... კოლმეურნეობის თავმჯდომარე ჩხუბობს, მაგრამ სიყვარული ყველას უნდა.

ვერის უბნის მელოდიები
წელი: 1973

მედროგე პავლეს გოგონები, მარო და თამრო ბალეტის სკოლაში სწავლაზე ოცნებობენ, მაგრამ ღარიბ პავლეს სწავლის ქირის გადახდა არ შეუძლია. მრეცხავი ვარდო გოგონების დახმარებას გადაწყვეტს – მდიდარ ვაჭარს, აღა-გეურქას ხბოს, შეშას და ძვირფას ქურქს მოპარავს, გოგონებს სახლსაც გაუთბობს და "ტანც-კლასის" ფულსაც გადაუხდის. ვარდოს ქურდობისთვის საპყრობილეში ჩასვამენ, მაგრამ მის მხარდასაჭერად მრეცხავები გაიფიცებიან და მალე მთელ ქალაქს ჭუჭყი მოედება. პოლიცმაისტერი იძულებული ხდება ვარდო გაათავისუფლოს და პავლეს გოგონები "ტანც-კლასში" ჩაარიცხინოს.

ფესტივალები და პრიზები:
#
ჟიურის სპეციალური პრიზი, სან–სებასტიანის (ესპანეტი) საერთაშორისო კინოფესტივალი (1977).

მზე შემოდგომისა Sun of Autumn
წელი: 1973

ვახტანგი ნიჭიერი მხატვარია, მაგრამ ოჯახის კეთილდღეობაზე ზრუნვა აიძულებს ნიჭი ყვავილების უგემოვნო ასლების ხატვას შეალიოს. ვახტანგის მეუღლე ეკა ქმრის მივლინებაში ყოფნით ისარგებლებს, კეთილმოწყობილ ბინას სასწრაფოდ გადაცვლის ძველ ბინაზე ორთაჭალის კოლორიტულ უბანში და დაბრუნებულ მეუღლეს შემოქმედებითი მუშაობისთვის იდეალურ პირობებს დაახვედრებს. გაოგნებული ვახტანგი აღიარებს, რომ ახლა შემოქმედებაში ხელს აღარაფერი შეუშლის.

მაცი ხვიტია
წელი: 1966

გადაღებულია ანტონ ფურცელაძის ამავე სახელწოდების რომანის მიხედვით.
სახალხო დღესასწაულზე მაცი ხვიტიას მოხდენილი ჯირითით მოხიბლული დედოფალი გურანდუხტი მას თავის ამალაში სამსახურს შესთავაზებს. მაცი უარს იტყვის და იმავე ღამეს დედოფლის ბრძანებით თურქეთში გასაყიდად მოტაცებულ გოგონებს, მათ შორის თავის სატრფოს, ეკას გაათავისუფლებს. ტყვეებით ვაჭრობის წინააღმდეგ მებრძოლი მაცი გურანდუხტის რისხვას არაერთხელ დაიმსახურებს. იგი თავისი რაზმით თურქეთისკენ მიმავალ ტყვეებით სავსე გემს თავს დაესხმის და ტყვეებს გაათავისუფლებს, შემდეგ კი ეკასთან ერთად გეზს თავისუფალი სვანეთისკენ აიღებს, სადაც საფრთხე აღარ დაემუქრებათ. გურანდუხტის მდევრები გაქცეულებს წამოეწევიან და დახოცავენ.