საქართველოს 20-წლამდე მორაგბეთა ნაკრებმა მსოფლიოს ჩემპიონატზე უკვე ორი გამარჯვების მოპოვება მოახერხა. უმცროსმა ''ბორჯღალოსნებმა'' ჯგუფურ ეტაპზე ირლანდიას მოუგეს, ხოლო პლეი ოფის შეხვედრაში იაპონიის დამარცხება მოახერხეს, რითიც მომდევნო მსოფლიოს ჩემპიონატზე თამაში გაინაღდეს.უმცროსი ''ბორჯღალოსნების'' ლელო მესამედ მოხვდა ტურნირის TOP 5 ლელოში. მსოფლიო რაგბიმ ამჯერად დემურ თაფლაძე გამოარჩია - თაფლაძე გადაცემა გელა აფრასიძემ გაუკეთა, ქართველი მორაგბის შეჩერება იაპონელებმა ვერ მოახერხეს და კაცნაკლულმა საქართველომ მეტოქეს ლელო დაუდო.