ხმაურის ფონზე წარიმართა თბილისის საქალაქო სასამართლოში გოგა ხაინდრავასა და გურამ ადამაშვილის წინააღმდეგ ეკა გიგაურის სარჩელის განხილვა.

გოგა ხაინდრავა პროცესზე მოსარჩელე ეკა გიგაურის დასწრებას და ვანო მერაბიშვილისა და ბადრი ბიწაძის დაკითხვას ითხოვდა.

არასამთავრობო ორგანიზაცია „საერთაშორისო გამჭვირვალობა საქართველოს“ ხელმძღვანელი მოპასუხეებს ღირსებისა და პატივის შელახვაში ადანაშაულებს.

საქმე 2014-2015 წლებში ხაინდარავასა და ადამაშვილის მიერ სატელევიზიო ეთერით გაკეთებულ განცხადებებს ეხება. როდესაც მათ ეკა გიგაური 2007 წლის ნოემბრის აქციების ძალისმიერი მეთოდით დაშლასა და წახალისებაში დაადანაშაულეს.

ეკა გიგაურის ადვოკატი მორალური ზარალის ანაზღაურებას სიმბოლურად 30 თეთრის გადახდით ითხოვს.

გოგა ხაინდრავას თქმით, ისიც აპირებდა საპასუხო სარჩელის შეტანას. რადგან როგორც ის აცხადებს, 2007 წლის ნოემბერში აქციების დარბევაში მონაწილე პირებმა სეწორედ ეკა გიგაურის მეთვალყურეობით მიიღეს პრემიები.