საქართველოს რეგიონებში საკონსტიტუციო ცვლილებების განხილვა გრძელდება. უმრავლესობამ ფორმატის შეცვლის გადაწყვეტილება თბილისში დაწყებული და ჩაშლილი მსჯელობის შემდეგ მიიღო.
მოქალაქეებთან გასული კვირის განმავლობაში გამართულ შეხვედრებზე, კვლავ აქტუალური იყო საარჩევნო სისტემების საკითხი, როგორც პრეზიდენტის ისე პარლამენტის. ასევე, უცხოელებზე მიწის გასხვისების აკრძალვის თემა.
მომდევნო სიუჟეტში გთავაზობთ მსოფლიოს უძველეს კონსტიტუციებს, რომლებმაც ათწლეულებთან ერთად მხოლოდ შესწორება განიცადეს და არა სრული გარდაქმნა. ამ ნიშნით დასავლეთ ევროპის რამდენიმე ქვეყანა და ამერიკის შეერთებული შტატები გამოირჩევა, მათ შორის ყველაზე ძველი ჯუჯა სახელმწიფო სან-მარინოა.
როგორია ამ ქვეყნების უზენაესი კანონის დაფუძნების ისტორია? რომელი ქვეყნის სამართლებრივი აქტებიდან იწყება საკონსტიტუციო სამართალი და რა შეცვალა დასავლურ სამყაროში ამერიკის შეერთებული შტატების კონსტიტუციამ?
ქეთი თუთბერიძის სიუჟეტი.