2017 წლის 28 მარტი საქართველოს ვიზალიბერალიზაციის ამოქმედების დღეა. დღეიდან ევროპასთან უვიზო რეჟიმი მოქმედებს. შენგენის წევრი ქვეყნები საქართველოდან ჩასულ მოქალაქეებს ვიზების გარეშე იღებენ.

ევროპელი ლიდერები ქართულ მხარეს 2012 წელს დაწყებული მოლაპარაკებების წარმატებულ დასასრულს ულოცავენ. ევროკავშირის შენობის წინ ქართული დროშა ფრიალებს.

ევროპის პოლიტიკური ცენტრის დღის წესრიგი დღეს თითქმის მთლიანად საქართველოს ეთმობა. პრემიერის ხელმძღვანელობით საქართველოს დელეგაცია ბრიუსელშია.