ბრაზილიის ქალაქ სან-პაულუში, 'კორინთიანსის' სტადიონზე მსოფლიოს 2014 წლის საფეხბურთო ჩემპიონატი ოფიციალურად გაიხსნა. ღონისძიებას 60 000-ზე მეტი ადამიანი დაესწრო, ტელევიზიით კი მას დაახლოებით მილიარდამდე ადამიანმა უყურა. გახსნის ცერემონიას 600-ზე მეტი მონაწილე ჰყავდა, რომლებმაც წარმოდგენა მოედნის ცენტრში განთავსებული გიგანტური დიოდის ბურთის გარშემო გამართეს. ცერემონია მუნდიალის ოფიციალურმა სიმღერამ - we are one (ოლე ოლა) დაასრულა, რომელიც ჯენიფერ ლოპესმა, რეპერმა პიტბულმა და კლაუდია ლეიტემ შეასრულეს.