2015 წელს თბილისში გასამართი ევროპის ახალგაზრდული ოლიმპიური ფესტივალისთვის ინტენსიურ მზადებას განაგრძობს, საქართველოს ჭაბუკ ხელბურთელთა გუნდი. 1998-99 წლებში დაბადებული სპორტსმენებისგან დაკომპლექტებულმა ნაკრებმა მორიგი ამხანაგური შეხვედრა გამართა. ქართველთა მეტოქე თბილისში სტუმრად მყოფი სომხეთის ახალგაზრდული ნაკრები იყო. თავის მხრივ 1996-97 წლებში დაბადებული მოზარდებისგან დაკომპლექტებული სომხეთის გუნდი, ევროპის ჩემპიონატის შესარჩევი ეტაპისთვის მზადებას სწორედ თბილისში გადის. შეხვედრას არენა ორის დარბაზმა უმასპინზლა და ქართველი ხელბურთელების სასახელოდ უნდა ითქვას, რომ მათ 2 წლით უფროსი მეტოქე 25 ბურთის სხვავობით ანგარიშით 36-11 დაამარცხეს.
მასპინძლებმა ტაიმი16:5 მოიგეს, მეორე ნახევარში კი ბევრად გაზარდეს სხვაობა. ყველაზე შედეგიანი ქართველთა მეათე ნომერი კბილაშვილი, იყო რომელმაც თავისი შევიდივე გოლი პირველ ტაიმში გაიტანა.