საქართველოს ვაჟ ხელბურთელა ეროვნული ნაკრები მსოფლიო ჩემპიონატის საკვალიფიკაციო ეტაპისთვის ემზადება. შესარჩევი რაუნდის პირველ შეხვედრას ქართველი ხელბურთელები, 30 ოქტომბერს, სტუმრად, ლიტვის ნაკრებთან გამართავენ.


4 წლიანი პაუზის შემდეგ, პირველი ოფიციალური შეხვედრისთვის ნაკრებმა მზადების პირველი ეტაპი სერბი მთავარი მწვრთნელის, ჯორჯ რასიჩის ხელმძღვანელობით თბილისში გაიარა.

გუნდი 26 ოქტომბერს უკრაინაში გაემგზავრება და საწვრთნელ შეკრებას კიევში განაგრძობს, სადაც მასპინძელთა ნაკრებთან 27 და 28 ოქტომბერს ორ ამხანაგურ მატჩს ჩაატარებს.

ნაკრები 29 ოქტომბერს ვილნიუსში ჩაფრინდება და 30 ოქტომბერს მსოფლიოს ჩემპიონატის შესარჩევი ეტაპის პირველ მატჩში ლიტვის ნაკრებს დაუპირისპირდება.

3 ნოემბერს 18:00 საათზე კი სპორტის სასახლეში, ფინეთის ნაკრებს უმასპინძლებს.

ოთხგუნდიანი ჯგუფიდან, რომლის მეოთხე წევრი თურქეთის ნაკრებია, მომდევნო ეტაპზე ერთი საუკეთესო გადის.