საქართველოს კუდოს ფედერაცია არის კუდოს საერთაშორისო ფედერაციის მიერ აღიარებული ერთადერთი ხელმძღვანელი ორგანო სპორტის შესაბამის სახეობაში და პასუხს აგებს მის განვითარებაზე საქართველოში. იგი წარმოადგენს სპორტის შესაბამის სახეობას როგორც ქვეყანაში, ისე მის ფარგლებს გარეთ.
ფედერაცია თავის საქმიანობას წარმართავს საქართველოს კონსტიტუციის, კანონმდებლობის, კუდოს საერთაშორისო ფედერაციის წესებისა და საკუთარი დებულების შესაბამისად.
ფედერაციის საქმიანობის მიზნებია:
– ფიზიკური აღზრდის და ჯანსაღი ცხოვრების წესის დანერგვა;
– საბრძოლო ხელოვნება კუდოს სახეობის განვითარება და პოპულარიზაცია;
– განსაკუთრებული ნიჭით დაჯილდოებული ბავშვებისა და ახალგაზრდების სპორტული პოტენციალის გამოვლენა და სწორად განვითარების ხელშეწყობა;
– ორგანიზება და მონაწილეობის მიღება სხვადასხვა სახის სპორტულ ღონისძიებებში, მათ შორის საკლუბო ჩემპიონატებში და საერთაშორისო ტურნირებში;
– ორგანიზება და მონაწილეობის მიღება სხვადასხვა აქციებში, რომლების ხელს უწყობს საქართველოში სპორტის სახეობების და სპორტის განვითარებას;
– ყველა იმ მოქმედების განხორციელება, რომლებიც ნებადართულია საქართველოს კანონმდებლობით და ხელს უწყობს ფედერაციის განვითარებას.
