ატვირთვა
ავტორიზაცია რეგისტრაცია
778 526
ნახვა
36
ხელმომწერი
166
ვიდეო
zooclub
0:35
ძაღლი მიხვდა, თუ სად მიჰყავდა პატრონს და სიხარულისგან "გაგიჟდა" (სახალისო ვიდეო)
3 122 ნახვა დეკემბერი 10, 2018

ცხოველების ქცევები ზოგჯერ ძალიან ჰგავს პატარა ბავშვსას. ისინი გულწრფელად გამოხატავენ თავიანთ ემოციებს. თუ რაიმე არ მოსწონთ, პატრონი ამას ყოველთვის ხვდება, ხოლო მათი სიხარული მარტივად შესამჩნევია. პატრონმა ძაღლის სასეირნოდ წაყვანა გადაწყვიტა, თუმცა არა სახლის სიახლოვეს. მან საყვარელი ბინადარი გაცილებით გახსნილ სივრცეში წაიყვანა- ძაღლების პარკში, სადაც ცხოველს შეუძლია საბელის გარეშე დიდ ტერიტორიაზე ირბინოს. მგზავრობისას ძაღლი თავიდან ღელავდა, მაგრამ როდესაც ოთხფეხა არსებამ ადგილი იცნო, სიხარულისგან ემოციებს ვერ იკავებდა. ბედნიერებისგან ცხოველმა ყმუილი, წკმუტუნი და მანქანის სავარძლებზე სირბილი დაიწყო, ხოლო ბოლოს პატრონთან გადახტა და სახეზე ლოკავდა. "ზოგჯერ ცხოველებსაც უნდა მოვუწყოთ სიურპრიზები, რადგან ისინი ჩვენი ოჯახის სრულუფლებიანი წევრები არიან,"- წერს სოციალურ ქსელში ძაღლის პატრონი.

0:50
მეთევზემ საკუთარი სიცოცხლის რისკის ფასად, ბადეში გახვეული ვეშაპი გაათავისუფლა (ემოციური ვიდეო)
7 878 ნახვა დეკემბერი 12, 2018

კალიფორნიის ნაპირებთან, მეთევზე სემ სინსტელიენმა, საკუთარი სიცოცხლის რისკის ფასად, ბადეში გახვეული უზარმაზარი კუზიანი ვეშაპი იხსნა. კუზიანი ვეშაპი შესაძლოა 40 ტონამდეც იწონიდეს, დიდი შანსი იყო იმისა, რომ შიშისგან წყლის ბინადარს კუდის ერთი დარტყმით მეთევზე მოეკლა, თუმცა, როგორც ჩანს, ცხოველი ადამიანს მიენდო. სემმა გარისკა - ის გადახტა წყალში, აძვრა ვეშაპის ზურგზე, უზარმაზარი ოკეანის ბინადარი გაათავისუფლა და ნავში მშვიდობიანად დაბრუნდა. ემოციური წუთები სემის მეგობარმა ვიდეოზე აღბეჭდა და სოციალურ ქსელში გაავრცელა.

3:23
კუზე ლომების წარუმატებელი თავდასხმა ვიდეოზე გადაიღეს
6 838 ნახვა დეკემბერი 10, 2018

ძუ და ხვადმა ლომებმა ნადავლად კუ შეარჩიეს, თუმცა, დიდი მცდელობის მიუხედავად, მისი დაგემოვნება ვერ შეძლეს, რადგან რეპტილიამ ბაკანში დამალვა მოასწრო. ვიდეო ველური ბუნების ფოტოგრაფმა, კალაგადის (აფრიკა) ნაციონალურ პარკში, შემთხვევით გადაიღო. კუ ცდილობს მტაცებლებისგან გაქცევას, თუმცა, გასაკვირი არ არის, რომ ლომები მას აუჩქარებლადაც დაეწივნენ. სწორედ ამიტომ, რეპტილიის ერთადერთი გადარჩენის საშუალება იყო ბაკანი, რომლითაც მტაცებლებს საქმე გაურთულა. მიუხედავად იმისა, რომ ძუ ლომი დიდი ხნის განმავლობაში ცდილობდა კუს "სახლიდან" გამოყვანას, ბაკანს მიწაზე დიდ ხანს აგორავებდა, ყველა მცდელობა ამაო აღმოჩნდა. საბოლოოდ, მტაცებლებმა ნადავლზე უარი თქვეს და რეპტილია უვნებელი გადარჩა.

0:41
''შოთა!'' - ყვავი სახელად კალე პატრონს სახელით მიმართავს (სახალისო ვიდეო)
2 783 ნახვა დეკემბერი 10, 2018

4 წელი გავიდა მას შემდეგ რაც კალე შოთიკო მექოშვილს მიუყვანეს. კალე ჯერ კიდევ ბახალა იყო, როდესაც ადამიანების გარემოცვაში მოხვდა, თუმცა მას განსაკუთრებით თავისი პატრონი- შოთიკო შეუყვარდა. მეტიც, ფრინველი მას სახელითაც მიმართავს. "კალე პატარა მომიყვანეს. მას შემდეგ ჩემთან ერთად ცხოვრობს. თავისუფლად შეუძლია გარეთაც იფრინოს,"- ამბობს შოთა მექვაბიშვილი, რომელიც ამ ჭკვიან ცხოველს მზრუნველობას არ აკლებს.შოთას თქმით, როდესაც კალე მას ხედავს სახელით მიმართავს, ხოლო შემდეგ მასთან მიფრინავს. კალე და შოთა განუყრელი მეგობრები არიან. თბილისიდან გარდაბნის რაიონის სოფელ გამაჯვებაში გადასულ პატრონს, ფრინველი თან გაჰყვა.8 თვის წინ მოლაპარაკე ყვავი დაიკარგა, არაერთი მცდელობის შედეგად, შოთიკომ მისი პოვნა ვერ შეძლო, თუმცა, როდესაც იმედი აღარ იყო, ყველასთვის მოულოდნელად, კეთილმა ადამიანმა მას კალე აპოვნინა და მას შემდეგ ყვავს შორს გაფრენა აღარ უცდია. დაკარგვამდე, ყვავი რამდენიმე სიტყვას ამბობდა, თუმცა ახლა მას მხოლოდ პატრონის სახელის წარმოთქმა შეუძლია. არაერთი ადამიანი შესაძლოა სკეპტიკურად განეწყოს ფრინველზე, რომელიც ადამიანისთვის დამახასიათებელ სიტყვებს წარმოთქვამს, რომ არა ვიდეო, სადაც ყვავი პატრონის სახელს ამბობს.როგორც შოთიკო აღნიშნავს, ჯერჯერობთ მხოლოდ მის სახელს ამბობს, თუმცა ფრინველი მალე იმ სიტყვებსაც გაიხსენებს, რაც აქამდე იცოდა. კალეს ძალიან უყვარს კატის და ძაღლის საკვები, მაგრამ პატრონს მისთვის კვების განსაკუთრებული რაციონი შერჩეული აქვს. ფრინველი ყოველდღიურად მიირთმევს კვერცხს, ხორცს და სხვადახვა სახეობის ხილს.

0:13
იგუანას გამოკვების ყველაზე საშიში მეთოდი
2 733 ნახვა დეკემბერი 4, 2018

ქალაქ პარკლენდის (ფლორიდის შტატი, აშშ) ერთ-ერთ ზოომაღაზიაში შესულმა მომხმარებელმა გამყიდველისგან ნებართვა აიღო, რომ უზარმაზარი იგუანა გამოეკვება. იქ მყოფები გააოცა მეთოდმა, რომელსაც ახალგაზრდა მამაკაცმა მიმართა. მან ცხოველისთვის განკუთვნილი საკვები ენის წვერზე დაიდო და იგუანას მიაწოდა. უზარმაზარმა ხვლიკმა სასუსნავი მაშინვე დააგემოვნა. ვიდეო ინტერნეტ სივრცეში სწრაფად გავრცელდა. მას არაერთი კომენტარი მოჰყვა. "ველოდებით შემდეგ ვიდეოს, სადაც ეს ბიჭი ნიანგს იგივე მეთოდით აჭმევს", - დაწერა სოციალური ქსელის ერთ-ერთმა მომხმარებელმა.

0:29
კატის ისტერიკული რეაქცია, როდესაც პატრონმა სახლში ძაღლი მიიყვანა
16 728 ნახვა დეკემბერი 3, 2018

ძაღლებზე არანაკლებ ეჭვიანები არიან შინაური კატები. მათაც ისევე უყვართ საკუთარი მყუდრო სახლი და პატრონი, როგორც ძაღლებს და მეტიც, თუ ეს ფუმფულა არსება ეჭვიანია, პროტესტს უჩვეულოდ გამოხატავს.კატა კატონი პატრონის მოლოდინში ფანჯარასთან მოკალათდა, მაგრამ როდესაც მამაკაცი სახლში ძაღლთან ერთად დაბრუნდა, მის ისტერიკას საზღვარი არ ჰქონდა. მას, პირდაპირი მნიშვნელობით, თვალები გაუფართოვდა და განწირული კივილი დაიწყო.იხილეთ ვიდეო - კატონის რეაქცია, როდესაც სახლში მისული პატრონი ძაღლთან ერთად დაინახა.

2:13
მამაკაცმა დამწვარი სატვირთოს ძრავიდან კატა გამოიყვანა, ცხოველის დანახვისას ის ცრემლებს ვერ იკავებდა (ემოციური ვიდეო)
2 405 ნახვა დეკემბერი 3, 2018

კინემატოგრაფისტმა დუგლას თრონიმ კარგად იცის, თუ რამდენად დამანგრეველია ტყის ხანძარი... მამაკაცი არაერთი წელია, ბუნებრივი კატასტროფების შედეგების ფოტოებზე აღბეჭდვითაა დაკავებული. თუმცა, იგი არ იყო მზად ენახა ის, რაც კალიფორნიის ხანძრის დროს საკუთარი თვალით იხილა. "ჩემს ცხოვრებაში მსგავსი არაფერი მინახავს. ეს ყველაზე საშინელი ტრაგედიაა, რომელიც კი ოდესმე განმიცდია", - ამბობს დუგლასი. რამდენიმე ხნის წინ კინემატოგრაფისტი სამაშველო სამსახურს მოხალისედ შეუერთდა. მამაკაცი დამწვარ ტერიტორიაზე შევიდა იმ იმედით, რომ გადარჩენილ ცხოველებს იპოვიდა და სამშვიდობოს გამოიყვანდა. ის დიდი ხანია, კატების გადარჩენითაა დაკავებული, ამიტომ ხვდებოდა, რომ ეს ცხოველები შიშისგან შესაძლოა ყველაზე მიუვალ ადგილებში დამალულიყვნენ.

0:33
დათვი მამაკაცს სახლში ესტუმრა და მეგობრულად მხარზე თათი გადახვია (სახალისო ვიდეო)
4 050 ნახვა დეკემბერი 3, 2018

ტყის პირას მცხოვრები მამაკაცი ყოველდღე ხვდება დათვს, რომელიც რამდენიმე წლის წინ გადაარჩინა. დედის გარეშე დარჩენილი დათვის ბელი მამაკაცმა იპოვა და გაზარდა. მას შემდეგ, ერთი დღე არ გავა, რომ უზარმაზარი მტაცებელი მეგობარს სახლში არ ესტუმროს. უჩვეულო კადრები ნათლად გადმოსცემს დათვისა და მამაკაცის ურთიერთდამოკიდებულებას. გარეული ცხოველი თავისუფლად გადაადგილდება მის ბინაში, უახლოვდება ფანჯარასთან მყოფ მამაკაცს და მხარზე თათს ხვევს. ის სითბოსა და სიყვარულს გამოხატავს საყვარელი ადამიანის მიმართ, თუმცა, ამას სიტყვებით ვერ გადმოსცემ. იხილეთ ვიდეო, რომელიც სოციალურ ქსელში ვირუსულად გავრცელდა.

1:15
1:26
კენგურუები გადმოვიდნენ სამანქანო გზაზე და მუშტებით ჩხუბი დაიწყეს
3 275 ნახვა ოქტომბერი 18, 2018

ჯილონგის (ვიქტორიის შტატი, ავსტრალია) შემოგარენში ორი კენგურუ, ტერიტორიის გაყოფის მიზნით, ტყიდან სამანქანო გზაზე გადმოხტა და მუშტი-კრივი გამართა. ვიდეოს ავტორი იძულებული გახდა, მანქანა გაეჩერებინა და დალოდებოდა, სანამ მოჩხუბარი ცხოველები ურთიერთობას გაარკვევდნენ.

1:44
გაბრაზებული წავი ადამიანს წაბლის გაფრცქვნას სთხოვს
3 178 ნახვა ოქტომბერი 18, 2018

ბოლო დროს ინტერნეტ სივრცეში დიდი პოპულარობა მოიპოვა წავების სასაცილო ვიდეო რგოლებმა. მათი ქცევები იმდენად უჩვეულო და სახალისოა, რომ არა ერთი ადამიანი დააფიქრა მის შინაურ ცხოველად აყვანაზე. ვირუსულად გავრცელდა ვიდეო, სადაც წავი საკვებს სასაცილოდ ითხოვს. გარდა ამისა, სახალისო სანახავია წავი, რომელიც საკვების ჭამისას საოცარ ხმებს გამოსცემს - ამ ვიდეოს მილიონობით ნახვა აქვს. მოკლედ რომ ვთქვათ, ამ უჩვეულო ცხოველმა ჩვენი შინაური ცხოველები ჩრდილში მოაქცია. და აი, კიდევ ერთი ვიდეო, სადაც წავი წაბლის გაფრცქვნას ცდილობს, თუმცა, არაფერი გამოსდის და გაბრაზებული ადამიანს დახმარებით მიმართავს. სხვა ვიდეოების მსგავსად, ამ კადრებმაც სწრაფად მოიპოვა პოპულარობა.

0:60
დედა პანდა თავის ნაშიერს უცნაურად ეთამაშება
3 040 ნახვა ოქტომბერი 18, 2018

რამდენიმე ხნის წინ ინტერნეტ სივრცეში ვირუსულად გავრცელდა ვიდეო, სადაც დედა პანდა თავის შვილს ეთამაშება. შესაძლოა, ეს ჩვეულებრივი მოვლენაა, თუმცა, მშობლის დამოკიდებულება ნაშიერის მიმართ მეტად უჩვეულოა. სწორედ ამიტომ, სოციალური ქსელის მომხმარებელთა შორის აზრები ორად გაიყო - ზოგიერთი მათგანი აღნიშნავდა, რომ მშობელი შვილს უხეშად ექცევა, ხოლო სხვები ამ სანახაობას სახალისოდ მიიჩნევდნენ. დედა პანდა, პირდაპირი მნიშვნელობით, აბურთავებს თავის ნაშიერს. მეტიც, კადრებში კარგად ჩანს, რომ პატარა არსებას დედასთან "თამაში" არ მოსწონს და გაქცევას ცდილობს, თუმცა, ზრდასრული პანდა შვილს არ უშვებს. სწორედ ამიტომ, პანდების თავშესაფარში დაბადებულ ნაშიერს გარკვეულ ასაკამდე მშობელს აშორებენ და სპეციალისტები ზრდიან, რადგან დედა პანდა ითვლება ყველაზე უყურადღებო მშობლად, რომელსაც უნებლიეთ შეუძლია, შვილს გამოუსწორებელი ზიანი მიაყენოს.

0:45
მანქანებით გადატვირთულ გზაზე დაბნეულ ძაღლს ყველა გვერდს უვლიდა... მხოლოდ ავტობუსის მძღოლმა გააჩერა მგზავრებით სავსე ტრანსპორტი
2 747 ნახვა ოქტომბერი 18, 2018

უპატრონო ძაღლები ზოგჯერ გამოუვალ მდგომარეობაში ხვდებიან. მაგალითად, ეს შავი ძაღლი რიო დე ჟანეიროში, მანქანებით გადატვირთულ გზაზე აღმოჩნდა. საიდან მოხვდა ცხოველი ტრასაზე, უცნობია, თუმცა, მისი გადარჩენის კადრები თვითმხილველმა ვიდეოზე გადაიღო. ცხოველი შეშინებული უყურებდა სწრაფად მომავალ მანქანებს და დაბნეული, ადგილიდან ვერ იძვროდა. ის გამყოფ კუნძულზე შეშინებული იჯდა და ვერ ხვდებოდა, თუ როგორ უნდა გადაეკვეთა გზა. ნებისმიერ დროს შესაძლოა გამოუსწორებელი შემთხვევა მომხდარიყო. სამწუხაროდ, ძაღლის დასახმარებლად არც ერთი მძღოლი არ გაჩერდა, მხოლოდ მგზავრებით სავსე ავტობუსის მძღოლმა გამოიჩინა გულისხმიერება. მძღოლი შეჩერდა გზაზე, ჩართო ავარიული შუქები და ცხოველი ავტობუსში აიყვანა, რათა უსაფრთხო ადგილზე გადაეყვანა. ვიდეოში კარგად ჩანს, თუ როგორ ბრწყინავს მადლიერი ძაღლის თვალები. რაც მთავარია, მგზავრები შეყოვნებით არ გაღიზიანებულან. ავტობუსის შეჩერებისას, არც ერთ ადამიანს არ გამოუთქვამს პრეტენზია. მეტიც, მძღოლს ყველა მათგანმა მადლობა გადაუხადა. ვინ იცის, რითი დასრულდებოდა ეს ისტორია, რომ არა კეთილი ადამიანი.

1:17
ძაღლი ბედნიერია, როდესაც პატრონი მას ქვიშაში ფლავს (სახალისო ვიდეო)
6 467 ნახვა ოქტომბერი 11, 2018

არა მხოლოდ ადამიანები ერთობიან უცნაური აქტივობებით, არამედ ცხოველებიც სიხარულით თანხმდებიან უჩვეულო გართობას. ყოველ ჯერზე, როცა 5 წლის ბულტერიერი პატრონს სანაპიროზე მიჰყავს, ის მთელი მონდომებით თხრის ორმოს, რათა შემდეგ მასში ჩაწვეს და ქვიშა მიაყარონ. უჩვეულო სანახავია, თუ როგორი სიხარულით აკეთებს ყოველივეს ძაღლი და ამაში პატრონიც ეხმარება. ვიდეო ინტერნეტ სივრცეში ვირუსულად გავრცელდა.

1:37
ძაღლი თავდაუზოგავად მისდევს პატრონებს, რომლებმაც შუა გზაზე მიატოვეს (ემოციური ვიდეო)
2 999 ნახვა ოქტომბერი 8, 2018

როდესაც ადამიანი გადაწყვეტს ძაღლის აყვანას, ცხოველი უნდა აღიქვას, როგორც ოჯახის წევრი, მეგობარი და არა როგორც ნივთი. ძაღლი საოცარი არსება და ერთგული მეგზურია, რომელიც იმსახურებს მოსიყვარულე ოჯახს, წერს გამოცემა "Animal Bible"-ი. სამწუხაროდ, მსოფლიოში არა ერთი ადამიანი ცხოვრობს, რომლებიც თავიანთი შინაური ბინადრების მიმართ მზრუნველობითა და სიყვარულით არ გამოირჩევიან. ამასთან ერთად, არიან ისეთებიც, რომლებიც ძველი ავეჯივით თავიდან იშორებენ ერთგულ შინაურ ცხოველებს. ეს ხომ ცხოველია, მას არ შეუძლია გადმოსცეს თავისი დარდი, იმედგაცრუება და გასაჭირი. ინტერნეტ სივრცეში გავრცელდა ვიდეო, რომელმაც ათასობით ადამიანის აღშფოთება გამოიწვია: წყვილი ძაღლს უცხო ტერიტორიაზე ტოვებს, ხოლო შემდეგ მოტოციკლით წასვლას ცდილობს. ინციდენტი მედელინში (კოლუმბია) მოხდა.

1:29
''ვაიმე რა მაგრად გავს, ხედავთ? ხის ძირში! ჟორა შენახარ? <3'' | ძაღლი, სახელად ჟორა, პატრონმა 3 წლის წინ დაკარგა. ამ ხნის განმავლობაში არავინ იცის, თუ რა გამოიარა ცხოველმა, თუმცა, საბოლოოდ, მამაკაცმა ის იპოვა.
2 411 ნახვა ოქტომბერი 8, 2018

ძაღლი, სახელად ჟორა, პატრონმა 3 წლის წინ დაკარგა. ამ ხნის განმავლობაში არავინ იცის, თუ რა გამოიარა ცხოველმა, თუმცა, საბოლოოდ, მამაკაცმა ის იპოვა. ჟორა რუსთაველის გამზირზე ხის ძირში იწვა, მაგრამ მისთვის მოულოდნელად ყველაფერი შეიცვალა, როდესაც პატრონმა მას სახელით მიმართა - ცხოველი წამოხტა და წარმოუდგენელ ემოციებს გამოხატავდა იმ საყვარელი ადამიანის მიმართ, რომელიც წლებია, არ ენახა. როგორც ვიდეოში ჩანს, ჟორჟიკას ყურზე არსებული მჭიდი მიანიშნებს, რომ ძაღლი ცხოველთა მუნიციპალური სამსახურის მიერ კასტრირებული, ვაქცინირებული და კვლავ ბუნებრივ არეალში დაბრუნებულია. ამ ვიდეოს ემოციების გარეშე ხილვა შეუძლებელია.

0:20
ქათამი თავად გახდა ქოლგა, რათა შვილები ძლიერი წვიმისგან დაეცვა (ემოციური ვიდეო)
2 425 ნახვა ოქტომბერი 8, 2018

"ადამიანის მსგავსად, დედა ქათამიც, ნაშიერების დასაცავად, ყველაფერს გააკეთებს", - წერს ინტერნეტ გამოცემა "Unilad"-ი. კადრები, საპორტო ქალაქ ვიშაქაპატნამიდან (ინდოეთიდან), ვირუსულად გავრცელდა ინტერნეტ სივრცეში. ვიდეოში კარგად ჩანს, თუ რამდენად ერთგული და თავდადებული მშობელია ერთი ჩვეულებრივი ფრინველი - ის საკუთარ ნაშიერებს ძლიერი წვიმისგან თავგანწირვით იცავს. ერთი ციდა წიწილებს წვიმის შეეშინდათ და მაშინვე დედას მიეკვრნენ. ფრინველმა ფრთები გაშალა, რათა შვილები შეეფარებინა. ისევე როგორც სხვა მშობლები, ფრინველი ყურადღებას არ აქცევს იმას, რომ თავად სველდება. მას მხოლოდ თავისი წიწილები აღელვებს. "ეს ვიდეო ადგილობრივ თევზის ბაზარშია გადაღებული. ფაქტის თვითმხილველები ქათმის საქციელით გაოცებულნი იყვნენ", - წერს სოციალურ ქსელში ვიდეოს ავტორი.

4:23
გმირობის 10 მაგალითი, რომლებიც ცხოველების ერთგულებაში დაგარწმუნებთ (ემოციური ვიდეო)
1 865 ნახვა ოქტომბერი 8, 2018

"საგმირო საქმეებით არა მხოლოდ ადამიანები, არამედ ცხოველებიც გამოირჩევიან. სინამდვილეში, ცხოველთა სამყაროში შეგიძლიათ იხილოთ არა ერთი ფაქტი, რომლებიც სიკეთესთან, მზრუნველობასთან და თავდადებასთან ასოცირდება", - წერს გამოცემა "GoodTimes"-ი. ერთსა და იმავე სახეობის ცხოველებს შორის არსებობს სოლიდარობა, მაგრამ ისინი ზოგჯერ დახმარებას სრულიად განსხვავებულ არსებებსაც უწევენ, თუ ისინი გამოუვალ ან საშიშ სიტუაციაში აღმოჩნდებიან. ცხოველის შემთხვევითი გმირობა ცხადყოფს, თუ რამდენად განვითარებულია ინდივიდი. დიახ, მათაც შეუძლიათ გამოავლინონ გრძნობა, ინტელექტი და გაითავისონ ყველაზე წარმოუდგენელი სიახლეები. ეს მტკიცებულებაა იმისა, რომ სულიერი არსებები ცოტა უფრო მეტად ჰგვანან ადამიანებს, ვიდრე ეს ჩვენ წარმოგვიდგენია. ამის მაგალითია ძაღლი, რომელიც მდინარის ძლიერმა დინებამ გაიტაცა და ოთხფეხა მეგობარმა გადაარჩინა.

0:15
სპეციალისტებმა დაადგინეს, რომ კიბორჩხალები საუკეთესო მეგობრები და მეზობლები არიან (ემოციური ვიდეო)
3 115 ნახვა ოქტომბერი 8, 2018

მსოფლიოში ცნობილია 5 ათასი კიბორჩხალის სახეობა, თუმცა ჩვენ ძალიან ცოტა რამ ვიცით მათ შესახებ. რაც სპეციალისტებისთვის უკვე ცნობილია, შესაძლოა ამ ფაქტებმა ჩვენი გაკვირვება გამოიწვიოს, ირწმუნება გამოცემა Feedytv-ი. მაგალითად, იცოდით რომ კიბორჩხალები მზრუნველი და მოსიყვარულე დედები არიან? მდედრები, რომლებიც მცირე ზომის გუბურებში ბინადრობენ, თავდაუზოგავად ზრუნავენ თავიანთ შთამომავლებზე და ყველაფერს აკეთებენ იმისათვის, რომ მათი შვილები სუფთა წყალში გაიზარდნენ. სპეციალისტებმა ასევე აღმოაჩინეს, რომ კიბორჩხალა ერთგული მეგობარი და მეზობელია.მკვლევარებმა გადაიღეს კადრები, როდესაც კიბორჩხალა თავის სამყოფელს ტოვებს და გამოდის, რათა მეზობელს სხვა კიბორჩხალის მოშორებაში დაეხმაროს, რომელმაც მისი საცხოვრებელი ტერიტორია დაიკავა.გარდა ამისა, კიბორჩხალა გრძნობს ტკივილს, აღიქვამს საშიშროებას და მოკლედ რომ ვთქვათ, ეს არსება გაცილებით ჭკვიანია, ვიდრე წარმოგვიდგენია.ვიდეოში აღწერილია, კიბორჩხალა, რომელიც საკუთარ სიცოცხლეს რისკავს, რათა მეგობარი ადამიანისგან დაიცვას.

0:48
კატამ თავისი ყურები სარკეში პირველად დაინახა... მას წარმოუდგენელი რეაქცია აქვს (სახალისო ვიდეო)
4 150 ნახვა ოქტომბერი 5, 2018

კატა მიმომ, რომელიც მოსიყვარულე ოჯახთან ერთად ნიუ-იორკში ცხოვრობს, სარკეში შემთხვევით თავისი ყურები დაინახა და გადაწყვიტა, გაერკვია, თუ რა იყო ეს. პატრონმა ვიდეო კადრები შემთხვევით გადაიღო და სოციალურ ქსელში გამოაქვეყნა. მას შემდეგ სასაცილო კატამ არა ერთი თაყვანისმცემელი გაიჩინა. პატრონის თქმით, რაც მიმო მათი ოჯახის წევრი გახდა, უჩვეულო საქციელით გარშემომყოფებს ამხიარულებს. ის ძალიან ცელქია, თუმცა, როდესაც რამეს აშავებს, ისეთი სახით იყურება, რომ წარმოუდგენელია, ვინმემ მისი დასჯა შეძლოს.

0:15
ბავშვები უზარმაზარ გველს ჯოხებით ებრძვიან და ყოველივე იმიტომ, რომ საყვარელი ოთხფეხა მეგობარი გადაარჩინონ (ემოციური ვიდეო)
4 058 ნახვა ოქტომბერი 5, 2018

ბავშვებმა საკუთარი სიცოცხლის რისკის ფასად წინააღმდეგობა გაუწიეს გველს, რომელიც მათ ძაღლს უკანა თათებზე შემოეხვია და მის გაგუდვას ცდილობდა,- წერს გამოცემა Daily Mail-ი. სამი ბავშვიდან ყველაზე უფროსი ცდილობდა მეტალის ჯოხით გველის თავი მიწაზე დაეჭირა, ხოლო ორმა უფროსმა ბიჭმა ჯოხების დარტყმით ქვეწარმავალს აიძულეს ძაღლის სხეულიდან კუდის მოშორება. თავიდან ძაღლი შეშინებული იყო და წკმუტუნებდა, მაგრამ, როდესაც დაინახა, რომ მეგობრები მისი სიცოცხლისთვის იბრძოდნენ, დამშვიდდა და მათ მიენდო.შემთხვევა მართლაც, რომ რთული იყო, რომლის წარმატებით შესრულება უფროსებსაც გაუჭირდებოდათ, თუმცა ბიჭებმა სამაშველო ოპერაციას თავი გაართვეს. მათ გველი დაიჭირეს და მთელი ძალით საწინააღმდეგო მიმართულებით გაშალეს, რათა ოთხფეხა მეგობარი სიკვდილს გადაერჩინათ.

0:47
მატლი, რომელიც საშიშროების შემთხვევაში გველად იქცევა
19 266 ნახვა ოქტომბერი 5, 2018

ცხოველთა სამყაროს არაერთი წარმომადგენელი შენიღბვის ნამდვილი ოსტატია. მაგალითად, მატლი-პეპელა "Hemeroplanes triptolemus"-ი საუკეთესო დაცვით ტექნიკას ფლობს. ის საშიშროების შემთხვევაში უკანა კიდურებით ეჭიდება ტოტს და დიდთვალება გველს ემსგავსება.იხილეთ საოცარი ვიდეო, რომელიც ბიოლოგმა კამერაზე აღბეჭდა.

2:01
მამაცმა პიტბულებმა ბავშვები შხამიანი გველის თავდასხმისგან გადაარჩინეს
17 852 ნახვა ოქტომბერი 5, 2018

პიტბულებმა პატარა ბავშვები გველის თავდასხმისგან იხსნეს, შედეგად ქვეწარმავალმა ძაღლები დაკბინა."ფლორიდის შტატში (აშშ) ბავშვები ზეიდინი და მელორი ეზოში თამაშობდნენ, როდესაც მათ შეუმჩნევლად გველი მიუახლოვდა"-, წერს საკუთარ პორტალზე "News channel 8"-ი.დაუპატიჟებელი სტუმარი ეზოში მყოფმა პიტბულებმა სლეიტერმა და პაკომ იმ დროს შეამჩნიეს, როდესაც ქვეწარმავალი ბავშვებისგან რამდენიმე სანტიმეტრის მოშორებით იყო. ძაღლები დასახმარებლად გაიქცნენ, ისინი გველს უყეფდნენ და მის გაგდებას ცდილობდნენ. შედეგად შხამიანმა გველმა სლეიტერს სახეზე, ხოლო პაკოს თათზე უკბინა.ბავშვების ბებიამ ცხოველები დაუყოვნებლივ წაიყვანა ვეტერინარულ კლინიკაში, სადაც მათ ანტიდოტი გაუკეთდათ. პაკო სახლში დაბრუნდა, ხოლო სლეიტერს მკურნალობის კურსის გავლა მოუწევს, რადგან კბენისგან მისი სახე შეშუპდა და მას საკვების მიღებაც კი უჭირს. ვეტერინარები პატრონებს აიმედებენ, რომ ცხოველი დღითიდღე უკეთაა.როდესაც ამ ინციდენტის შესახებ ცხოველთა მოყვარულებმა და ცხოველთა დაცვის ორგანიზაციებმა შეიტყეს, გადაწყვიტეს, სლეიტერის მკურნალობის ხარჯები სრულიად დაეფარათ.

0:49
ნახეთ ვიდეო, თუ როგორ დაიჭირეს ოთხმეტრიანი ნიანგი
4 537 ნახვა ოქტომბერი 5, 2018

ნიტმილუკის ეროვნულ პარკში, რომელიც ავსტრალიაში მდებარეობს, 3.97 მ. სიგრძის ნიანგი დაიჭირეს. "Illawarra Mercury"-ის ცნობით, რეპტილია რეინჯერების მიერ დადგმულ ერთ-ერთ მახეში გაება. ვიდეოზე ჩანს, თუ როგორ გამოყავთ პარკის თანამშრომლებს ის გალიიდან და დიდ ფიცარზე გადაჰყავთ. ”ხაფანგი აქ მთელი წლის მანძილზე დგას, - აღნიშნა მთავარმა რეინჯერმა ენდრიუ მაკფიტმა, - ეს ერთადერთი აქტიური საშუალებაა, რომელსაც ჩვენ წლის ამ დროს ნიანგების რაოდენობის რეგულაციაში ვიყენებთ”. მაკფი თვლის, რომ ცხოველი ნიტმილუკის ხეობაში ქალაქ დეილი-რივერსში მომხდარი წყალდიდობის შედეგად მოხვდა. რეინჯერების შეფასებით, ეს ყველაზე დიდი ზომის ნიანგია, რაც კი 2006 წლიდან მოხვედრილა მათ ხაფანგში.

3:07
როგორ გადაარჩინა ერთმა ადამიანმა ათასი ცხოველი…
3 006 ნახვა მარტი 1, 2018

ინდოეთში ცხოვრობს ოჯახი, რომელიც გარეული ცხოველების გადარჩენითაა დაკავებული. თავის სახლში ადამიანებმა მოაწყვეს თავშესაფარი, სადაც სხვადასხვა ცხოველის დაობლებული შვილები იღებენ დახმარებას.მახარაშტრის შტატის 69 წლის მცხოვრებმა პრაკაშ ამტემ ბუნების დამცველის საქმიანობაში მსოფლიო აღიარება მიიღო. გარეული ცხოველების დახმარებით ის 70-იანი წლებიდანაა დაკავებული.ყველაფერი შემთხვევით დაიწყო. ცოლთან ერთად ტყეში სეირნობისას, პრაკაშმა შენიშნა ერთ-ერთი ტომის მონადირეები, რომლებიც სახლში ნადავლით ბრუნდებოდნენ. ეს ტომი ტრადიციული წესით ცხოვრობდა: ნადირობა მათი საკვების ერთადერთი წყარო იყო. თუმცა, ერთი ცხოველი - ახალშობილი მაიმუნი - ჯერ კიდევ ცოცხალი იყო. პრაკაშმა გაიგო, რომ სოფელში მისულები ისინი ამ პატარას მოკლავდნენ, ამიტომ ის ტომის წარმომადგენლებს მოელაპარაკა და მაიმუნი პროდუქტებისა და ტანსაცმლის ფასად გამოისყიდა. პატარა მაიმუნი ატმესთან იზრდებოდა და ის ძაღლს დაუმეგობრდა. ეს ისე მოეწონა მთელ ოჯახს, რომ პრაკაში ისევ გაემართა Madia Gond-ის ტომთან და მათთან თავისებური ხელშეკრულება დადო: ისინი დათანხმდნენ პრაკაშისთვის მათ მიერ მოკლული ცხოველების ცოცხალი შვილები საკვებსა და ნივთებზე გაეცვალათ.რამდენიმე ხნის შემდეგ ატმეს სახლთან უკვე ცხოვრობდნენ ტურები, ლეოპარდები, მაიმუნები, დათვები, ანტილოპები, გველები, ნიანგები, ფარშევანგები და სხვა ცხოველები. საერთო ჯამში - 300 სულიერი. წამოზრდილ პატარებს პრაკაში ბუნებრივ არეალში უშვებდა, ხოლო მათ ადგილს ახლები იკავებდნენ.ამან მეზობლების ყურადღება მიიპყრო, მაგრამ ადგილობრივმა ხელისუფლებმა ამაში დიდი პრობლემა ვერ დაინახეს. მათ ატმეს გარკვეული ადგილის შემოღობვა შესთავაზეს, რომ თავშესაფარს მოღვაწეობა გაეგრძელებინა.დღესდღეობით ოჯახი 90-100 ცხოველზე ზრუნავს. მიზეზი Madia Gond-ის ტომის მიერ ნადირობის შემცირებაა. მოსავლის მოყვანის სწავლასთან ერთად, Madia Gond-ის ადამიანებმა ცხოველებზე ნადირობა საგრძნობლად შეამცირეს. ამაში დიდი წვლილი შეიტანა ატმეს ოჯახმაც - მათი წყალობით, ადგილობრივმა ხელისუფლებამ ამ ტომს დიდი ყურადღება მიაპყრო, თავად ცოლ-ქმარმა კი გახსნეს საავადმყოფო, სადაც ადამიანებს უფასო სამედიცინო მომსახურებას უწევდნენ. დღეს თავშესაფარ Animal Ark-

1:45
გერმანული ნაგაზი 16 წლის პატრონს მძარცველებისგან იცავდა... მას სამჯერ ესროლეს
5 326 ნახვა მარტი 1, 2018

გერმანულმა ნაგაზმა რექსიმ ორ შეიარაღებულ მძარცველს გმირული წინააღმდეგობა გაუწია მას შემდეგ, რაც ისინი კერძო სახლში შეიჭრნენ. ძაღლს რამდენჯერმე ესროლეს, თუმცა, ის პოლიციის მოსვლამდე 16 წლის მოზარდს იცავდა. ვაშინგტონის გარეუბანში მდებარე სახლში მძარცველები შეიპარნენ. როგორც სამართალდამცველები ვარაუდობენ, მათ არ იცოდნენ, რომ სახლში ვინმე იქნებოდა, რეალურად კი მეორე სართულის საძინებელში 16 წლის ხავიერი იმყოფებოდა.ხავიერს პირველი სართულიდან უცნაური ხმა მოესმა, ხოლო შემდეგ შუშის გატეხვის ხმა გაიგო. ბიჭი კარადაში დაიმალა და პოლიციას დაუკავშირდა. რექსი, რომელიც ხავიერთან ერთად ოთახში იმყოფებოდა, ხმაურის გაგონებისთანავე პირველ სართულზე ჩავიდა.კარადაში დამალულ პატრონს ცოტა ხნის შემდეგ ყეფის, ყვირილისა და სროლის ხმა მოესმა. რამდენიმე ხნის შემდეგ ძაღლი ისევ საძინებელში დაბრუნდა და პატრონთან ერთად კარადაში დაიმალა.მძარცველები მეორე სართულზე, ხავიერის ოთახში შევიდნენ. ნათელი იყო, რომ ისინი ბიჭს მალე იპოვიდნენ და მოწმის თავიდან მოშორების მიზნით, მოკლავდნენ. რექსი უეცრად კარადიდან გადმოხტა და ერთ-ერთ ბოროტმოქმედს თავს დაესხა. მეორე კი ძაღლს ჯოხს ურტყამდა, ხოლო შემდეგ ცხოველს ცეცხლსასროლი იარაღიდან ესროლა.ძაღლს 3 ტყვია მოხვდა. ის იატაკზე დაეცა და სისხლისგან იცლებოდა. ხავიერი და მისი ოთხფეხა მეგობარი სიკვდილისთვის იყვნენ განწირულნი, რომ არა სამართალდამცველების საყვირის ხმა, რამაც მძარცველები შეაშინა და ტერიტორიიდან გაიქცნენ.რექსი ვეტერინარულ კლინიკაში გადაიყვანეს. რამდენიმე ოპერაციისა და სისხლის გადასხმის შემდეგ ექიმებმა მას სიცოცხლე შეუნარჩუნეს. ის კვლავ გადის რეაბილიტაციის კურსს, თუმცა, მის სიცოცხლეს საფრთხე აღარ ემუქრება.ხავიერის ბაბუამ სოციალურ ქსელში შექმნა გვერდი, სადაც რექსისთვის მკურნალობის თანხა შეგროვდა. გერმანული ნაგაზის სრული გამოჯანმრთელებისთვის საჭირო იყო ათი ათასი დოლარი, მაგრამ კეთილი ადამიანების დახმარებით, 27 ათასი დოლარი სულ რაღაც ერთ დღეში შეგროვდა."ჩვენ უანგარო და ერთგული სიყვარულის მოწმენი გავხდით. რექსი გმირი ძაღლი და ჩვენი ოჯახის სრულუფლებიანი წევრია, რომელმაც საკუთარი სიცოცხლის რისკის ფასად საყვარელი პატრონი ბოლომდე დაიცვა", - წერს სოციალურ ქსელში ხავიერის

0:58
ცხენი, რომელსაც მგლების ხროვა საერთოდ არ აშინებს
5 485 ნახვა მარტი 1, 2018

იტალიელმა მამაკაცმა ვიდეოზე აღბეჭდა უჩვეულო კადრები - ცხენი კარინა 6 მგლის გარემოცვაში უშიშრად სეირნობს, ხოლო შემდეგ, მტაცებლების წინ, მიწაზე მშვიდად გორაობს.ავტორის თქმით, ვიდეოს გადაღების შემდეგ ცხენმა ბალახის ჭამა განაგრძო. მგლები მას კიდევ რამდენიმე წუთი აკვირდებოდნენ და შემდეგ სხვა მხარეს გადაინაცვლეს.

1:41
ძაღლმა პატარა მაიმუნი მას შემდეგ იშვილა, რაც 5 ახალშობილი ლეკვი მოუკვდა
3 546 ნახვა მარტი 1, 2018

კოლუმბიის ქალაქ კარტაჰენაში, ძაღლმა კაპუცინი-მაიმუნი იშვილა მას შემდეგ, რაც 5 ახალშობილი ლეკვი მოუკვდა. შინაური ცხოველი პატარა კაპუცინს საკუთარი რძით კვებავდა.მაიმუნი პრაქტიკულად მთელ დღეს "დედობილის" ზურგზე მოკალათებული ატარებს. თუ ძაღლთან მიახლოებას ვინმე დააპირებს, პატარა კაპუცინი აგრესიული ხდება. მსგავსი შემთხვევების დროს, სიტუაციის განმუხვტის მიზნით, პოლიცია არაერთხელ ჩაერია.უჩვეულო წყვილის სამომავლო ბედით ადგილობრივი ხელისუფლება დაინტერესდა. ისინი თვლიან, რომ მაიმუნი კაპუცინი ველურ ბუნებაში უნდა დააბრუნონ, მაგრამ ქალაქის მცხოვრებლების აზრით, ძაღლისა და პრიმატის დაშორება არ შეიძლება, რადგან მათ ერთმანეთის გარეშე ცხოვრება გაუჭირდებათ. გარდა ამისა, უცნობია, თუ როგორ მიიღებენ ძაღლის გაზრდილ მაიმუნს თავისი მოძმეები.

0:52
როგორ გადაარჩინეს ლომის ვოლიერში შესული ზოოპარკის დამთვალიერებელი
3 458 ნახვა მარტი 1, 2018

ინდოეთის ქალაქ ტრივანდრამში, ზოოპარკის დამთვალიერებელი ლომის ვოლიერში შევიდა."India Today"-ს ცნობით, 33 წლის მამაკაცი ბილეთის შეძენისთანავე მტაცებლის ვოლიერისკენ გაემართა. ის რკინის ღობეს გადაევლო, ოთხ ფეხზე დადგა და ცხოველისკენ გაცოცდა. მამაკაცი ზოოპარკის თანამშრომლების სწრაფმა რეაქციამ გადაარჩინა. მათ ლომის ყურადღება სხვა რამეზე გადაიტანეს და გალიაში შეიყვანეს. ამის მერე მცველებმა გალიიდან დამთვალიერებელი გამოიყვანეს. "Gulf News"-ის ცნობით, მან ფეხის მცირე ტრავმა მიიღო.

0:32
რა შედეგით დამთავრდა მაკარონის სწრაფად ჭამის შეჯიბრი პატრონსა და ძაღლებს შორის
4 288 ნახვა მარტი 1, 2018

ამ ვიდეოს მთავარი გმირები ორი ოქროსფერი რეტრივერი და მათი პატრონი არიან. მხიარული სამეული ჩინეთში ცხოვრობს.ერთ დღეს მამაკაცმა უჩვეულო რამ მოიფიქრა - კონკურსი მაკარონის სწრაფად ჭამაში. შეჯიბრის მონაწილეები კი პატრონი და მისი ორი ძაღლი არიან.რისი იმედი ჰქონდა ორი უზარმაზარი შინაური ცხოველის პატრონს? შესაძლოა, მას უბრალოდ თავის ოთხფეხა მეგობრებთან მხიარულად დროის გატარება სურდა.შეჯიბრი ნამდვილად სამართლიანი იყო.მამაკაცმა ყოველივე ვიდეო კამერაზე აღბეჭდა. იგი ცდილობდა ძაღლებზე სწრაფად შეეჭამა მაკარონი, მაგრამ ყველაფერი ისე არ დამთავრდა, როგორც თავად სურდა. იხილეთ სახალისო ვიდეო, თუ რა შედეგით დასრულდა პატრონსა და ძაღლებს შორის გამართული კონკურსი.

1:09
შინაური ნიანგი: ამ ოჯახში 200 კილოგრამის წონის მქონე რეპტილია უკვე 20 წელია ცხოვრობს
4 002 ნახვა თებერვალი 9, 2018

1997 წელს 41 წლის მუჰამედ აივანმა (ინდონეზია) მხოლოდ 2 დოლარად იყიდა ახალდაბადებული ნიანგი, რომელიც მეთევზეებმა დაიჭირეს. პატარას მან კოჯეკი დაარქვა და სახლში წაიყვანა. მას შემდეგ რეპტილია აივანის ოჯახში ცხოვრობს. ამ პერიოდში რეპტილია გაიზარდა და ის უკვე 200 კილოს იწონის და სახლის უკანა ეზოში მდებარე აუზში ბინადრობს. ”როცა დავინახე თუ როგორ მოყავდათ მეთევზეებს პატარა კოჯაკი, მაშინვე გამოვისყიდე ის 25 000 რუპიად. ბავშვობაში ის ბრაზიანი იყო და უკბენია კიდეც თითზე. მაგრამ შემდეგ ჩვენ ის მივიჩვიეთ. კოჯეკი ცხოველია, მაგრამ მას ძალიან უყვარს ადამიანებთან ურთიერთობა”, - ყვება მუხამედი საყვარელ შინაურ ბინადარზე. კოჯაკი ცხოვრობს ოჯახში, სადაც სამი პატარა ბავშვია, მაგრამ მუჰამედი ამტკიცებს, რომ ნიანგი არასოდეს არ მიაყენებს მათ ზიანს. მისი თქმით, კოჯეკი სრულიად არ არის აგრესიული. ის ყოველთვის მშვიდია. კეთილი კოჯეკის სანახავად მთელი ინდონეზიიდან ჩამოდიან ადამიანები. ერთ ტურისტს მისი ყიდვაც კი უნდოდა 74 000 დოლარად, მაგრამ პატრონმა ოჯახის საყვარელი ცხოველი არ გაყიდა. კოჯეკის პოპულარობა გაიზარდა მას შემდეგაც, რაც გამოქვეყნდა ვიდეო, სადაც ამ 3 მეტრიანი რეპტილიას ბანაობაა გადაღებული. ”მე მიყვარს რეპტილიები და ვზრუნავ კოჯეკზე. ვფიქრობ, რომ მან მე მამასავით აღმიქვა. მისი მოვლა არ არის რთული: აუზში კვირაში ერთხელ უნდა გამოვუცვალო წყალი, ვუწმენდ კბილებს და კანს”, - ამბობს მისი პატრონი. კოჯეკი ჯერ კიდევ ახალგაზრდაა, ამიტომ არაა გასაკვირი, თუ ის კიდევ წამოიზრდება. მისი სახეობის ზოგი ინდივიდი 6 მეტრს და 1 ტონას აღწევს. ამიტომ მუჰამედს თავისი შინაური ბინადარისთვის სავარაუდოდ მალე ახალი აუზის აშენება მოუწევს.

0:27
ბავშვი მძინარე პიტბულს მიუახლოვდა და ცხვირზე აკოცა, ძაღლის რეაქცია საოცარია
6 538 ნახვა თებერვალი 8, 2018

პიტბულის ჯიში, დიდი ხანია, ერთადერთი მოსაზრების მძევალი გახდა - "ძაღლი-მკვლელი". ადამიანების 95% მას საშიშად და დაუნდობლად მიიჩნევს. ამ ჯიშს დღემდე იყენებენ ჩხუბის რინგზე, რაც დიდ თანხებთანაა დაკავშირებული. ძაღლის არცერთი ჯიში იბადება აგრესიული, მისი ქცევა აღზრდის შედეგია.თუ პროფესიონალური კუთხით განვიხილავთ და კინოლოგების აზრი გვაინტერესებს, პიტბული საუკეთესო მცველია.ამ ჯიშისთვის მნიშვნელოვანი და აუცილებელია სწორი აღზრდა და სისტემატური ვარჯიში.აგრესიული შესაძლოა ნებისმიერი ძაღლი გაიზრდოს, თუ ამას პატრონი მოინდომებს.კარგად აღზრდილი პიტბული საოცრად კეთილი, მგრძნობიარე, მომთმენი და ყურადღებიანია. რაც მთავარია, მას ძალინ უყვარს ბავშვები. ეს ვიდეოც ამის დასტურია: მძინარე პიტბულს უახლოვდება ბავშვი და ცხვირზე კოცნის. დააკვირდით ძაღლის რეაქციას.დარწმუნდებით, რომ პიტბული არაა "ძაღლი-მკვლელი", იგი დამცველი და ერთგული ოთხფეხა მეგობარია.

0:30
ძაღლი ცდილობს, მოჩხუბარი ქათმები გააშველოს (სახალისო ვიდეო)
3 320 ნახვა თებერვალი 8, 2018

ტაილანდელმა მამაკაცმა საკუთარ ეზოში შინაური ბინადრების უჩვეულო სცენა ვიდეოზე გადაიღო - ორი გაბრაზებული ქათამი ერთმანეთთან დაუსრულებლად ჩხუბობდა.ოჯახის ბინადარი ძაღლი რამდენიმე წუთი აკვირდებოდა ფრინველების კინკლაობას და როდესაც მიხვდა, რომ მათი ჩხუბი დიდხანს გაგრძელდებოდა, მივიდა ერთ-ერთ მათგანთან, კუდზე კბილები მოკიდა და ძალით გამოიყვანა."ძაღლი მიხვდა, რომ მათ დასამშვიდებლად უნდა ემოქმედა და მართლაც, ადამიანივით სიტუაციის განმუხტვას ცდილობდა. კიდევ ერთხელ დავრწმუნდი, თუ რამდენად ჭკვიანი არსებები არიან ძაღლები", - წერს კომენტარებში ვიდეოს ავტორი.როგორც კადრებიდან ჩანს, არცერთი ქათამი დათმობას არ აპირებდა. ისინი ერთმანეთის მიმართ აგრესიას გამოხატავდნენ და ძაღლის ჩარევით ფრინველებს შორის ჩხუბი არ შეწყვეტილა.

1:02
ვეშაპს ადამიანის საუბრის იმიტაცია შეუძლია
2 000 ნახვა თებერვალი 8, 2018

ზოგ ცხოველს გაგებული ხმების, მათ შორის ადამიანის საუბრის გამეორება და წარმოთქმაც კი შეუძლია. ამ ნიჭის დემონსტრირება ცოტა ხნის წინ ვეშაპმა მოახდინა.ვეშაპს საკმაოდ რთული და ადამიანის ყურისთვის უჩვეულო ხმის გამოცემა შეუძლია - წკაპუნით დაწყებული ყვირილით დამთავრებული.ვეშაპები თავისი ოჯახის ბგერით რეპერტუარს სწავლობენ და ასე ურთიერთობენ. შემდეგ ამას გადასცემენ შთამომავლობას (თითქმის ასევე სწავლობენ ლაპარაკს ადამიანებიც). ექსპერიმენტის მონაწილე 16 წლის დედალი ვეშაპი, სახელად ვიკი, გახდა. ის ოკეანარიუმ Marineland-ში ცხოვრობს.მეცნიერები უბრალო სიტყვებს წარმოთქვამდნენ, ვეშაპი კი მათ გამეორებას ცდილობდა. ყველაზე უკეთ მას გამოსდიოდა სიტყვა ”გამარჯობა” (hello). აი, ”ნახვამდის” (bye-bye) გამოთქმა მას შედარებით გაუჭირდა. ასევე, ვიკიმ შეძლო მგლის ყმუილის და სპილოს ძახილის გამეორება.ამასთან, მეცნიერები აღნიშნავენ, რომ ვეშაპები მხოლოდ ბაძავენ ხმებს, სიტყვების აზრი მათთვის უცნობია. გარდა ამისა, ექსპერიმენტი ტარდებოდა წყლის ზემოთ, ამიტომ უცნობია, რომელი წყალქვეშა ხმის გამეორება შეუძლია ამ ცხოველს.დელფინარიუმები მოსახერხერხებელია დაკვირვებისთვის და მეცნიერული ექსპერიმენტებისთვის, მაგრამ ბევრ ქვეყანაში ისინი უკვე აკრძალულია, ხოლო მათი საქმიანობა არაჰუმანურად გამოცხადდა, რამდენადაც ტყვეობაში შეუძლებელია მსხვილი ცხოველებისთვის იდეალური პირობების შექმნა - განსაკუთრებით ვეშაპებისთვის.

0:51
ლეკვმა გოგონას საოცარი ამბავი შეატყობინა: ცხოველის საყელურზე წაკითხულმა მისი აღფრთოვანება გამოიწვია
4 494 ნახვა თებერვალი 8, 2018

როგორ უნდა მოვხიბლოთ საყვარელი ადამიანი, თუ მას ცხოველები ძალიან უყვარს? კრეატიულმა ბიჭმა გადაწყვიტა, რომ არჩევანის გაკეთება აუცილებელი არაა.ჯონ ჰიგბიმ მეგობარ გოგონას ლეისი პიტერს შოკისმომგვრელი სიურპრიზი გაუკეთა.პირველი საჩუქარი იყო უსაყვარლესი შავი ლეკვი, რომლის ხილვაც გოგონას ძალიან გაუხარდა. "ეს ნამდვილად ჩვენია?", "არ მჯერა,"- ლეისი გაოცებული უყურებდა პატარა არსებას და ვერ იჯერებდა, რომ საყვარელმა ადამიანმა ოცნება აუსრულა. ის დიდი ხნის განმავლობაში ნატრობდა ძაღლის აყვანას.თუმცა, ეს ისტორიის დასასრული არ არის...მეორე საჩუქარი გოგონასთვის შოკისმომგვრელი აღმოჩნდა: მან ლეკვის საყელურზე წაიკითხა: "გამომყვები ცოლად?" ეს სიტყვები ჯონიმ ნენსისთან ერთად დაჩოქილმა წარმოთქვა. აღელვებულმა გოგონამ შეთავაზება სიხარულით მიიღო.ემოციური ვიდეო რგოლი ვირუსულად გავრცელდა - მას სოციალურ ქსელში ათასობით მოწონება და გაზიარება ჰქონდა.ყველას მოეწონა ხელის თხოვნის კრეატიული იდეა, რომელიც ჯონიმ მოიფიქრა. გარდა ამისა, ახალ ოჯახს პატარა, უსაყვარლესი წევრიც შეემატა, რომელიც მათთან ერთად დაიწყებს ცხოვრებას.

3:33
უკვდავი ''სუპერ-ცხოველი'', რომელიც ასაკის მატებასთან ერთად ახალგაზრდავდება...ის ბუნების კანონებს არღვევს
4 060 ნახვა თებერვალი 2, 2018

ამ უცნაურ არსებას სპეციალისტები Heterocephalus glaber-ს უწოდებენ, მეორე სახელწოდება კი შიშველი მიწისმთხრელი ვირთაგვაა. უჩვეულო გარეგნობის მღრღნელი თავისი მოძმეებისგან მხოლოდ გარეგნობით არ განსხვავდება.შიშველი მიწისმთხრელი ვირთაგვა ცივსისხლიანი არსებაა, რომლის ლიდერიც კოლონიებს ქმნის. მას ტკივილის შეგრძნება პრაქტიკულად არ გააჩნია. ასევე, შეუძლია, 18 წუთი ჟანგბადის გარეშე იცოცხლოს.ეს ყველაფერი არაა.რამდენიმე ხნის წინ სპეციალისტებმა ამ უნიკალური არსების არაბუნებრივი უნარი აღმოაჩინეს - შიშველი ვირთაგვა არ ბერდება.ჩვეულებრივი მღრღნელი ტყვეობაში საშუალოდ 4 წლამდე ცოცხლობს, ხოლო ბუნებაში არა უმეტეს 6 წელი, თუმცა, შიშველი ვირთაგვას სიცოცხლის ხანგრძლივობა ბუნების კანონებს ეწინააღმდეგება და მისი სიცოცხლის ხანგრძლივობის საშუალო მაჩვენებელი 30 წელია. გარდა ამისა, ეს უნიკალური ცხოველი არასოდეს კარგავს ორგანიზმის რეგენერაციის თავისებურებას.მღრღნელის შესწავლა ბიოლოგმა როშელ ბუფენშტეინმა 30 წლის წინ დაიწყო. სპეციალისტების ჯგუფი გარკვეული დროის განმავლობაში სწავლობდა მის სასიცოცხლო უნარებს.ბიოლოგებმა დაასკვნეს, რომ ეს უნიკალური მღრღნელი არღვევს კანონებს (Gompertz) - სტატისტიკურ განაწილებას, რომელიც განმარტავს ცოცხალი არსების სიკვდილს.შიშველი ვირთაგვას ორგანიზმი, მთელი სიცოცხლის განმავლობაში, მუშაობს ისე, როგორც სიცოცხლის დასაწყისში - არანაირი სიბერის ნიშანი და გამოფიტვა, პირიქით.სპეციალისტების უმეტესობა მღრღნელის თვისებებს დიდ აღმოჩენად მიიჩნევს. ისინი თვლიან, რომ შიშველი მიწისმთხრელი ვირთაგვა ახალი თაობის უკვდავი ცხოველია. მისი ბიოლოგიური მაჩვენებლების მიხედვით, ამ საოცარ ცხოველს "არმაგედონის" გადატანაც კი შეუძლია.

0:28
''გზა დამითმე!''- ავსტრალიის გზაზე კენგურუ ველოსიპედს დაეჯახა
2 202 ნახვა თებერვალი 2, 2018

ინციდენტი კვინსლენდში (ავსტრალია) მოხდა. ველოსიპედისტი გზაზე მიდიოდა, როდესაც უეცრად კენგურუ გამოჩნდა. ცხოველი ველოსიპედზე მჯდარ გოგონას დაეჯახა, ვიდეო გოგონას მეგობარმა შემთხვევით გადაიღო. "კენგურუ გზაზე უეცრად გამოჩნდა, ის არ მოერიდა ადამიანების ჯგუფს და ჩემი მეგობარი ველოსიპედიდან ჩამოაგდო", - ამბობს თვითმხილველი. ინციდენტის შედეგად, გოგონას სამედიცინო დახმარება დასჭირდა. მან მხარი და მუხლი დაიზიანა.

0:16
ძაღლმა პატრონთან ჯოხის მაგივრად დიდი ხის მორი მიიტანა ( სახალისო ვიდეო)
2 790 ნახვა თებერვალი 2, 2018

კალიფორნიაში მცხოვრებმა მამაკაცმა ძაღლთან ერთად სეირნობის დროს სასაცილო კადრები ვიდეოზე აღბეჭდა. ლაბრადორის მეტისი, სახელად უოლი, ტყისკენ ჯოხის მოსატანად გაიქცა. ძებნის პროცესში, შინაურმა ცხოველმა დიდი კუნძი შეამჩნია. უოლი პატრონთან უზარმაზარი "ნადავლით" დაბრუნდა, დადო მიწაზე და ელოდებოდა, პატრონი როდის გადააგდებდა სათამაშო "ჯოხს".

1:18
ორფეხა ბოჩოლამ ადამიანივით ორ ფეხზე სიარული ისწავლა
5 607 ნახვა იანვარი 31, 2018

ინდონეზიაში ბოჩოლამ, რომელსაც 2 ფეხი არ აქვს, ადამიანივით სიარული ისწავლა.ვიდეოზე ბოჩოლა სოფელში დადის. იგი უკანა ფეხებს დაბნეულად ადგამს და ძლივს იკავებს წონასწორობას. ცხოველს მამაკაცი ადევნებს თვალყურს და მას დაცემის საშუალებას არ აძლევს. ინტერნეტმომხმარებლები პატრონს ურჩევენ ან დაკლას ცხოველი, რომ არ აწვალოს, ან პროთეზი გაუკეთოს, რომლითაც ცხოველი შედარებად ადვილად იმოძრავებს.

0:43
მოტივაცია ჩვენი ოთხფეხა მეგობრებისგან (სახალისო ვიდეო)
941 ნახვა იანვარი 31, 2018

სამწუხაროდ, ადამიანების უმეტესობას ვარჯიშისთვის საკმარისი მოტივაცია და სურვილი არ გააჩნიათ. რთულ სიტუაციაში, შესაძლოა, დახმარება მიიღო მათგან, ვისგანაც საერთოდ არ მოელი.სახალისო ანიმაცია გადმოსცემს, თუ რა ხერხებს მიმართავენ ძაღლები, რათა ისინი პატრონმა სასეირნოდ გაიყვანოს.და მართლაც, შინაურ ცხოველებს ეს კარგად გამოუვიდათ. იხილეთ სახალისო ვიდეო რგოლი, რომელიც განწყობას გაგიუმჯობესებთ და შესაძლოა, ვარჯიშის მოტივაციაც გაგიჩინოთ.

0:45
საკუთარი ნაშიერის გადასარჩენად დედა სპილო ლომს გაეკიდა
1 464 ნახვა იანვარი 31, 2018

მტაცებელმა პატარა სპილოზე თავდასხმა სცადა, მაგრამ დედამ რეაგირება სწრაფად შეძლო.ინტერნეტ სივრცეში გავრცელდა ვიდეო, სადაც ასახულია, თუ როგორ გადაარჩინა საკუთარი შვილი მტაცებლისგან დედა სპილომ.ინციდენტი კენიის ნაკრძალ "სამბურუში" ველური ბუნების ფოტოგრაფმა შემთხვევით გადაიღო. ლომი მსხვერპლს ჩუმად ეპარება. გარეული კატა ცდილობს პატარა ცხოველს ზურგიდან თავს დაესხას, მაგრამ დედა სპილო უეცრად ბრუნდება და ძლიერი ხმიანობით მტაცებლისკენ მირბის. ლომმა გაქცევა მოახერხა. საბედნიეროდ, პატარა სპილო უვნებლად გადარჩა. იხილეთ ვიდეო, სადაც ასახულია ველური ბუნების ცხოვრების ნაწილი.

0:03
ჩინელმა მეცინერებმა პირველად შექმნეს მაიმუნის ორი კლონი და მათ დიადი ჩინელი ერი უწოდეს
1 368 ნახვა იანვარი 31, 2018

ჩინეთის მოლეკულურმა ბიოლოგებმა პირველად შეძლეს ერთსა და იმავე მაიმუნისგან ორი სრულფასოვანი კლონის გამოზრდა. მათ ზუსტად იგივე მეთოდი გამოიყენეს, რაც ცხვარი დოლის გამოყვანის დროს.”მაიმუნების კლონის მეთოდიკის შექმნა უამრავ ახალ შესაძლებლობებს გვაძლევს. ახლა ჩვენ შეგვიძლია ძუძუმწოვრების გამოყვანა გენების აბსოლუტური იდენტური ნაკრებით, დნმ-ის ერთადერთი მონაკვეთის გარეშე, რომლის სტრუქტურაც ჩვენ შევცვალეთ. ეს არა მხოლოდ ბევრი გენეტიკური დაავადების მიზეზს გვანახებს, არამედ კიბოს დაავადებასთან და იმუნიტეტის დარღვევებთან ბრძოლის ახალი მეთოდების პოვნის საშუალებას გვაძლევს". პირველად მეცნიერებმა ცხოველის კლონი შოტლანდიაში, 1996 წლის ივლისში შექმნეს. მაიმუნის ორი კლონი სუროგატი დედისგან 8 და 6 თვის წინ გაჩნდა. პირველ მაიმუნს ჩჟუნ ჩჟუნი დაარქვეს, მეორეს კი ხუა ხუა. გამოვიდა სიტყვებით თამაში: გამოთქმა "ჩჟუნხუა" ჩინურად "დიად ჩინელ ერს" ნიშნავს. ორივე მაიმუნი სრულიად ჯანმრთელია და ისევე ვითარდებიან, როგორც ამ ასაკში სხვა მაიმუნები.

0:51
საუდის არაბეთში გამართულ აქლემების სილამაზის კონკურსზე, 12 აქლემს, ბოტოქსის გამო, დისკვალიფიკაცია მისცეს
1 472 ნახვა იანვარი 31, 2018

საუდის არაბეთში გამართულ აქლემების სილამაზის კონკურსზე 12 აქლემს დისკვალიფიკაცია მისცეს მას შემდეგ, რაც პატრონებმა ცხოველის გარეგნობის გასაუმჯობესებლად ბოტოქსი გამოიყენეს.კონკურსი, აქლემების ფესტივალის ფარგლებში იმართება, რომელიც მეფე სალმანა აბნ აბდულ-აზიზის პატრონაჟით მეორე წელია ტარდება. მასში ათასზე მეტი აქლემი მონაწილეობს.King Abdulaziz Camel-ის ფესტივალი წელს ელ-რიადის სიახლოვეს გაიმართება.ჟიურის წევრები აფასებენ ცხოველის ფიზიკურ მონაცემებს, მათ შორის აქლემის ყურებისა და ტუჩის მოყვანილობის სიზუსტეს. ამიტომ, ზოგიერთმა პატრონმა საკუთარი ცხოველის ხელოვნურად გალამაზება გადაწყვიტა."აქლემებს გაკეთებული ჰქონდათ ბოტოქსი ტუჩებზე, ცხვირსა და ყბებზეც კი", - წერს გამოცემა "National"-ი."ბოტოქსის შემდეგ ცხოველის თავი, ცხვირი და ტუჩებიც უფრო დიდი ჩანდა", - ამბობს ჟურნალისტთან საუბრისას ემირატების ერთ-ერთი აქლემების მომშენებლის შვილი ალან ალ-მაზრუ.წესებში მკაცრადაა მითითებული, რომ არ დაიშვება ცხოველი, რომელიც არის გაპარსული, შეღებილი (სხეულის ნებისმიერ ადგილზე) ან გარეგნობა შეცვლილი აქვს რაიმე კოსმეტიკური საშუალებებით.ფესტივალზე შეამჩნიეს ვეტერინარი, რომელიც აქლემებს პლასტიკურ პროცედურებს უტარებდა. ექიმი ცოცხალ არსებებზე იყენებდა არა მარტო ბოტოქსს, არამედ ყურებსაც უპატარავებდა. აქლემების ფესტივალი მეორე წელია ტარდება და 28 დღის მანძილზე გრძელდება. ღონისძიების ფარგლებში, სილამაზის კონკურსის გარდა, იმართება აქლემების შეჯიბრი და ამ ცხოველების რძის დეგუსტაცია. კონკურსის საპრიზო ფონდი 31 მილიონ დოლარს შეადგენს.

1:55
დელფინები მამაკაცს გოგონასთვის ხელის თხოვნაში დაეხმარნენ
2 524 ნახვა იანვარი 31, 2018

დელფინები და მათი მომთვინიერებელი დანიის მცხოვრებს გოგონასთვის ხელის თხოვნაში დაეხმარნენ. "Daily Mail"-ის ცნობით, 23 წლის კატრინ რეჰდერი საკუთარ დაბადების დღეს თავის შეყვარებულთან, ფილ ფენტონთან ერთად ოკეანარიუმში წავიდა.ერთ-ერთი ნომრის დროს მომთვინიერებელმა მაყურებელთან ახლოს დელფინი, სახელად ჰიუგო, მიიყვანა. ჰიუგო ადამიანებთან მიახლოებისას უარყოფის ნიშნად თავს აქნევდა და მხოლოდ კატრინის პირისპირ გაჩერებულმა დელფინმა თანხმობის ნიშნად დააქნია თავი.ამის შემდეგ მომთვინიერებელმა პლასტიკატის კონტეინერი გაუწოდა, სადაც ბეჭედი იდო. დელფინმა ფარფლებით ”ტაში დაუკრა”, ფილმა დაიჩოქა და კატრინს გული და ხელი სთხოვა.ფენტონის თქმით, ოკეანარიუმის თანამშრომლებმა თავად შესთავაზეს დახმარება, როდესაც მის გეგმაზე შეიტყვეს. თავიდან ფილი უარზე იყო, რადგან ცოტა უხერხულად ეჩვენებოდა, როცა მის ასეთ მომენტს უცხოებიც დაესწრებოდნენ, მაგრამ ეს იდეა მთელი კვირით გონებაში უტრიალებდა და ბოლოს დათანხმდა.კატრინს ქონდა ეჭვი, რომ ახალგაზრდა კაცი მისთვის ხელის თხოვნას აპირებდა, მაგრამ დელფინების მონაწილეობა მისთვის სიურპრიზი აღმოჩნდა. ”როდესაც დელფინმა მე ამირჩია და კონტეინერი გადმომცეს, თავიდან მეგონა, მასთან უნდა მეთამაშა დაახლოებით ასე: ”ესროლე კონტეინერი და ჰიუ მას დაგიბრუნებს””, - ამბობს კატრინი. ფილმა ძლივს მოასწრო გაფრთხილება, რომ კონტეინერი კი არ ესროლა, არამედ გაეხსნა. გოგონამ შეყვარებულის წინადადება მიიღო. ქორწილი ივნისში, ფილის დაბადების დღეს დაგეგმეს.

0:56
ძუ ლომმა ხვადს ეჭვიანობის სცენა მოუწყო
2 600 ნახვა იანვარი 31, 2018

თვითმხილველმა მტაცებლის ეჭვიანობის სცენა ვიდეოზე გადაიღო. ინციდენტი ქალაქ ჰასმისში (აფრიკა) მდებარე ნაკრძალში მოხდა. სიუზან სკოტის (ვიდეოს ავტორი) თქმით, ხვადმა ლომმა ყურადღება გამოხატა ალბინოსი ძუს მიმართ. ფლირტის გადაღება გოგონამ ვერ მოასწრო, თუმცა, მან მეორე ძუ ლომის გაცეცხლებული რეაქცია აღბეჭდა. როგორც ჩანს, მდედრმა მტაცებელმა მეორე ნახევრის ღალატი ვერ აიტანა და "ცხოველთა მეფის" მიმართ აგრესია გამოხატა. მოღალატე ხვადი იძულებული გახდა, უკან დაეხია და ჩხუბში არ ჩართულიყო, თუმცა, დაძაბულმა ტალღამ მალე გადაიარა და წყვილი ერთმანეთის მიმართ ძველებურად გამოხატავდა თბილ დამოკიდებულებას. იხილეთ ვიდეო, თუ როგორ მოუწყო "ცხოველთა დედოფალმა" თავის მეორე ნახევარს ეჭვიანობის სცენა.

2:00
პარიზი წყალდიდობას გამოქცეული ვირთხებით აივსო..
3 016 ნახვა იანვარი 31, 2018

წყალდიდობას გამოქცეულ ვირთხებს სულ უფრო ხშირად ხედავენ პარიზის ქუჩებში. ნაპირებიდან გადმოსულმა მდინარე სენამ ვირთხების სოროები დატბორა და მღრღნელები იძულებულები გახდნენ, ახალი თავშესაფარი მოეძებნათ.”ეს არ ნიშნავს, რომ მათი რაოდენობა გაიზარდა, უბრალოდ ჩვენ მათ ხშირად ვხედავთ”, - განმარტა ექსპერტმა ვირთხების საკითხში პიერ ფალგირაკმა.ასევე, აღნიშნა, რომ სტიქიური უბედურება ვირთხების რიცხვის დროებით შემცირებას გამოიწვევს. წყალდიდობის შემდეგ კი მათი პოპულაცია სწრაფად დაუბრუნდება ძველ დონეს.პარიზის მეეზოვემ ვიდეოზე ვირთხებით სავსე ნაგვის ბუნკერი გადაიღო. მან აღნიშნა, რომ მღრღნელები მეეზოვეებს რეგულარულად ესხმიან თავს.”თანამშრომელმა მომიყვა, რომ ვირთხა მას ყელში ეცა, კიდევ ერთი კი - ხელში”, - ამბობს ის. 25 იანვარს ცნობილი გახდა, რომ ძლიერი წყალდიდობის გამო, წყლის დონემ მდინარე სენაში 3.3 მეტრს გადააჭარბა. მდინარის მახლობლად გამავალი სამანქანე გზები წყალმა დაფარა. დროებით დაიკეტა ქვედა დონეზე განლაგებული ლუვრის დარბაზები.

0:23
ნამდვილი ჯენტლმენი: ლომი ძაღლს მიუახლოვდა და მას თათზე ეამბორა (სახალისო ვიდეო)
5 629 ნახვა იანვარი 31, 2018

მექსიკელმა ბიზნესმენმა და ფონდ The Black Jaguar-White Tiger-ის დამფუძნებელმა ედვარდ სერჟიომ ინტერნეტ სივრცეში გაავრცელა თეთრი ლომისა და შოკოლადისფერი ლაბრადორის მეგობრობის ამსახველი კადრები.ვიდეო რგოლი ვირუსულად გავრცელდა. მას ინსტაგრამსა და ტვიტერზე ათობით ათასი ნახვა აქვს.სოციალური ქსელის მომხმარებლები მტაცებლის მიმართ აღფრთოვანებას გამოხატავდნენ. არაერთმა ადამიანმა აღნიშნა, რომ თეთრი ლომი ნამდვილი ჯენტლმენია. იხილეთ ვიდეო, თუ როგორი დამოკიდებულება აქვს ცხოველთა მეფეს შინაური ცხოველის მიმართ, რომელიც პატარაობიდან მასთან ერთად გაიზარდა.

0:17
ძაღლს იმდენად გაუხარდა ეზოში გასვლა, ვერ წარმოიდგენთ რა გააკეთა
6 474 ნახვა იანვარი 25, 2018

რა გააკეთა ძაღლმა, როდესაც პატრონმა მას ანიშნა, რომ ეზოში სასეირნოდ მიდიოდნენ? ის სიხარულით გაიქცა კარისკენ და მთლიანი შუშა ჩაამსხვრია. ძაღლს დაზიანებები არ მიუღია. იგი ბედნიერი დარბოდა ეზოს ტერიტორიაზე და პატრონს ელოდებოდა, თუ როდის გაჰყვებოდა უკან. იხილეთ სახალისო ვიდეო.

0:52
პატარა ძაღლმა უზარმაზარი ნიანგი შეაშინა და ტერიტორიიდან გააგდო
4 966 ნახვა იანვარი 25, 2018

ერთი ციდა მამაცი ტერიერი, რომელიც ავსტრალიაში ცხოვრობს, როგორც ჩანს პატარაობიდან შეეჩვია ისეთ საშიშ არსებას, როგორიც ნიანგია.შინაური ცხოველის პატრონმა Youtube-ზე გაავრცელა ვიდეო, რომელიც მისი ოთხფეხა მეგობრის "გმირობას" ასახავს.11 წლის ძაღლი სახელად "Sweet"-ი 3 მეტრიან რეპტილიას, რომელიც მდინარის ნაპირთან ისვენებს, ყეფით უტევს. ნიანგს ცხოველის შეჭმა მარტივად შეეძლო, თუმცა ის წყლისკენ მირბის. მეტიც, ტერიერი ასწრებს და მას კუდზეც კბენს.პატრონის თქმით, ძაღლი რამდენიმე წლის განმავლობაში დასდევს ნიანგებს და ჯერ არ ყოფილა შემთხვევა, რომ მტაცებელს მისთვის ზიანი მიეყენებინოს.

0:35
გოგონა ცხენზე დაჯდომას უშედეგოდ ცდილობს... როგორ მოიქცა ჭკვიანი ცხენი?
14 506 ნახვა იანვარი 25, 2018

ცხენზე ჯირითი არც თუ ისე მარტივი საქმეა. ამის სწავლა დიდ დროს და ენერგიას მოითხოვს, თუმცა სასურველ შედეგს ყველა ვერ აღწევს. მომდევნო ვიდეოც ამის დასტურია, მაგრამ აქ მთავარი ცხენის გონიერი საქციელია.ახალგაზრდა ქალი დიდ ხანს ცდილობდა ცხენზე დაჯდომას, რამდენიმე წარუმატებელი მცდელობის შემდეგ ცხენი თითქოს მიხვდა, რომ მისი დახმარების გარეშე გოგონა პრობლემას ვერ მოაგვარებდა, ამიტომ ცხოველმა გონიერება გამოიჩინა. იხილეთ ვიდეო, თუ როგორ დაეხმარა ცხენი ადამიანს.

არხის შესახებ

ზოოკლუბი

არხის ვიდეოების ძებნა
მოცემული ფილტრით ვიდეოები ვერ მოიძებნა